17 Tetor 2019

Britania nis hetimin ndaj "Facebook"-ut për keqpërdorim të të dhënave

Londër, 21 mars - Në Britani ka nisur të hetohet nëse "Facebook"-u ka bërë sa duhet për të mbrojtur të dhënat, pas zbulimit se informacioni personal është keqpërdorur për qëllime politike.

Kreu i Komisionit të Informacionit Elizabeth Denham ka kërkuar një mandat kontrolli në zyrat e firmës së konsulencës "Cambridge Analytica", pas një informacioni se kjo firmë ka mbledhur të dhënat private të miliona njerëzve për të mbështetur fushatën presidenciale të Donald Trump-it në vitin 2016:

"Nuk mendoj se duhet t'ua ngarkojmë të gjithë përgjegjësinë përdoruesve për të mbrojtur të dhënat e tyre. Prandaj është ligji që kërkon nga kompanitë të jenë të përgjegjshme e transparente dhe të sigurojnë të dhënat. Ligji është pikërisht për këtë gjë."

Ligjvënësit amerikanë dhe ata europianë kanë kërkuar gjithashtu shpjegim se si "Cambridge Analytica" arriti të ketë qasje në të dhënat në vitin 2014 dhe pse "Facebook"-u nuk i njoftoi përdoruesit e tij.

Sipas "Facebook"-ut, të dhënat u mblodhën nga akademiku britanik Aleksandr Kogan, i cili krijoi një aplikacion në platformë, që u shkarkua nga 270 mijë veta.

Kogan më pas shkeli politikat e "Facebook"-ut, duke ia kaluar të dhënat "Cambridge Analytica"-s. 

Kalendari

Ngjarjet e datës 17 tetor 2019 - Presidenti i Republikës së Kosovës, Hashim Thaçi, pret në takim Lartmadhërinë e saj, Sophie, Konteshën e Wessexit. (Kabineti i Presidentit, ora 9:00 - vetëm pamje)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 9:30)

- Dogana e Kosoves organizon ceremoninë e shprendarjes se certifikatave për dy kompanitë kosovare të certifikuara si Operator Ekonomik të Autorizuar. (Objekti i Drejtorise se Doganes në Emshir, ora 10:00)

- Ambasada Britanike dhe Qendra e Rehabilitimit të Kosovës për Viktimat e Torturës po mbajnë një konferencë për të filluar rezultatet e hulumtimit paraprak në traumën transgjeneruese në lidhje me Dhunën Seksuale të Lidhur me Konfliktin. (Hotel Swos Diamond, ora 10:30)

- Mbahet punëtoria “Shkolla e Mozaikut”. (Muzeu Kombëtar e Kosovës, ora 11:00)

- Mbahet protestë pasi Akademia Suedeze e Shkencave shpërbleu me çmimin Nobel për Letërsi, autorin austriak Peter Handke, një mbështetës i gjenocidit dhe luftërave në ish-Jugosllavi nën regjimin e Sllobodan Millosheviqit. (Para Ambasadës së Suedisë, ora 11:00)

- Lëvizja FOL, Çohu, INPO, Instituti Columbus dhe Open Data Kosovo organizojnc konferencën e përbashkët të cilën do të prezantohet Raporti i monitorimit të aktivitetit të prokurimit rreth rrotulimit Rreth rrotullimi Lakrishtë - Rreth rrotullimi Arbëri. (Zyrat e Lëvizjes FOL, ora 11:00)

- Prokurori i Shtetit do të mbajë konferencë për media. (Objekti i Prokurorit të Shtetit, kati III, salla e takimeve të Këshillit Prokurorial, ora 11:30)

-  Organizata për Rritjen e Cilësisë në Arsim organizon debat me studentët e Fakultetit të Ndërtimtarisë dhe Arkitekturës për identifikimin e problemeve në këto fakultete dhe zgjidhjen e tyre përmes formave të ndryshme të mbështetjes së studentëve. (Fakulteti i Ndërtimtarisë dhe Arkitekturës, ora 15:00)

- Ambasadorja e Francës, Marie-Christine Butel do të ketë nderin të dekorojë znj Nerimane Kamberi me Urdhrin e Palmave Akademike. (Rezidenca e Francës, ora 18:30)

- Galeria e Ministrisë së Kulturës organizon hapjen e ekspozites "Post-Avangarda Lindore" te autorëve Adrian Çene, Brikena Bërdo dhe Albana Shoshi. (Galeria e Ministrisë së Kulturës, ora 19:00)