26 Janar 2021

Bill Gates largohet nga kryesia e Microsoft-it

New York, 14 mars - Themeluesi dhe këshilltari teknologjik i Microsoft, Bill Gates, është tërhequr nga bordi drejtues i kompanisë.

Gjiganti amerikan i teknologjisë bëri të ditur në një njoftim se Gates është larguar nga bordi pasi dëshiron të ndajë më shumë kohë për prioritete të tjera filantropike, si shëndeti global, zhvillimi, arsimi dhe lufta kundër ndryshimeve klimatike.

Në njoftim thuhet se Gates do të vazhdojë të jetë këshilltar teknologjik i drejtuesit të lartë Satya Nadella dhe drejtuesve të tjerë të firmës.

Ndërkaq, Gates, i cili e themeloi Microsoft-in në vitin 1975 së bashku me Paul Allen, tha në një deklaratë në Linkedin se krahas Microsoft-it, ai është larguar edhe nga bordi i kompanisë Berkshire Hathaway e miliarderit Warren Buffet, ku kishte shërbyer nga viti 2004.

"Largimi im nga bordi nuk do të thotë largim nga kompania. Microsoft gjithmonë do të jetë pjesë e rëndësishme e jetës sime dhe do të vazhdojë të jem në komunikim me Satya-n për të ndihmuar në formësimin e vizionit të kompanisë dhe arritjen e objektivave", ka thënë Gates.

Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)