03 Korrik 2020

BE gjobit kompaninë Google për monopol në treg

Bruksel, 19 korrik - Rregullatori i Bashkimit Europian për antitrustin gjobiti të mërkurën kompaninë Google me një shifër rekord prej 5 miliardë dollarësh për shfrytëzim të paligjshëm të pozicionit të fuqishëm në sistemin e Adroid-ëve.

Enti rregullator doli në përfundimin se Google, sistemi Android i së cilit funksionon në më shumë se 80 për qind të telefonave inteligjentë të botës, ka keqpërdorur pozitën e tij dominuese, për të promovuar aplikacionet dhe shërbimet e veta, veçanërisht mekanizmat e tij të kërkimit.

Gjoba llogaritet në pak më shumë se dy javë të ardhura që siguron kompania mëmë e Google-it, Alphabet Inc., por mund të përshkallëzohet në një luftë tregtare mes BE-së dhe SHBA-së. Drejtuesja e antitrustit evropian Margrethe Vestager, mohoi që vendimi të ishte pasojë e prirjeve paragjykuese anti-amerikane.

Rregullatori urdhëroi Google-n që të ndalojë praktikat e paligjshme brenda 90 ditëve ose të përballet me të tjera ndëshkime. Google njoftoi se do ta apelojë vendimin.
 

Kalendari

Ngjarjet e datës 3 Korrik 2020

- Kryeministri i Republikës së Kosovës, Avdullah Hoti, viziton Republikën e Shqipërisë ku do të zhvillojë takim me kryeministrin Edi Rama. (Pallati i Brigadave në Tiranë, ora 10:00)

- Ministri  i Arsimit dhe Shkencës, Ramë Likaj, viziton Komunën e Deçanit, ku pritet në takim nga kryetari Bashkim Ramosaj. (Salla e Asamblesë Komunale, Deçan, ora 10:00)

- Ambasadori hungarez në Kosovë, Laszlo Markusz, viziton Komunën e Gjakovës. (Ndërtesa e Komunës, ora 10:45)

- Lëvizja FOL organizon konferencë për media, me ç’rast do të publikoj raportin “Pagesat e Vendimeve Gjyqësore nga Komunat - Vitet 2017, 2018, 2019”. (Zyret e Lëvizjes FOL, ora 11:00)

- Kryeministri i Kosovës, Avdullah Hoti dhe Kryeministrit të Shqipërisë, Edi Rama mbajnë konferencë e përbashkët për shtyp. (Pallati i Brigadave në Tiranë, ora 11:15)

- Hapet ekspozita “Ditarët e Depresionit” e realizuar nga Ferdi Limani. (Shtëpia e Evropës në Prishtinë, ora 12:00)

- Banorët e lagjes ”Qendra” protestojnë, të pakënaqur me shërbimet komunale. (Rr.“Rexhep Luci”, ora 12:00)

- Lëvizja Vetëvendosje! mban konferencë për media në të cilën flasin deputetët Arbërie Nagavci dhe Hajrulla Çeku. (Oborri i Kuvendit të Kosovës, ora 13:00)

- Kryeministri i Republikës së Kosovës, Avdullah Hoti takohet me Presidentin e Republikës së Shqipërisë, Ilir Meta. (Presidenca e Shqipërisë, ora 13:10)

- Kryeministri i Republikës së Kosovës, Avdullah Hoti takohet me Kryetarin e Kuvendit të Shqipërisë, Gramoz Ruçi. (Zyra e Kryetarit të Kuvendit, ora 14:00) 

- Komisioni Qendror i Zgjedhjeve mban mbledhjen e radhës. (Selia e KQZ-së, ora 14:00)

- Kryeministri i Republikës së Kosovës, Avdullah Hoti takohet me Kryetarin e Bashkisë së Tiranës, Erion Veliaj. (Zyra e Kryetarit të Bashkisë, ora 14:45)
 
- Kryeministri i Republikës së Kosovës, Avdullah Hoti takohet me Kryetarin e Partisë Demokratike, Lulzim Basha. (Zyra e Kryetarit të PD-së, ora 15:30)