20 Shtator 2019

Amerikanët humbin besimin te Facebook-u

New York, 10 prill - Ekzekutivi i gjigantit të mediave sociale Facebook, Mark Zuckerberg, kërkoi ndjesë për incidentin që çoi në vjedhjen e të dhënave personale të miliona përdoruesve.

Në një dëshmi me shkrim drejtuar ligjvënësve amerikanë, Zuckerberg tha të hënën se rrjeti i mediave sociale duhet të kishte bërë më shumë për të mbrojtur veten dhe për të mos lejuar keqpërdorimin e të dhënave.

Komentet vijnë në prag të dëshmisë rreth skandalit që ai do të japë të martën dhe të mërkurën përpara dy komisioneve të Kongresit amerikan.

"Ishte gabimi im dhe kërkoj ndjesë," shkruante Zuckerberg.

Amerikanët po e humbasin me shpejtësi besimin te Facebook-u pas problemeve të shumta rreth asaj se si kompania e trajton informacionin personal dhe për faktin që lejon potencialisht përhapjen e të ashtuquajturave lajme të rreme.

Ndërkohë që themeluesi i kompanisë, Mark Zuckerberg, vjen të martën në Uashington për të dëshmuar përpara ligjvënësve, një sondazh i Aleancës për Qytetarët Digjitalë, që merret me sigurinë në internet, zbulon se pothuajse një në çdo katër amerikanë thonë se "Facebook-u nuk është një kompani e përgjegjshme, sepse në shumicën e rasteve vë fitimin mbi të gjitha, para se të përpiqet të bëjë atë që duhet”.

Më pak se një e treta e të aketuarve mendon se Facebook-u, me 2 miliardë përdorues në mbarë botën, është një "kompani e përgjegjshme, sepse përpiqet të bëjë gjënë e duhur në shumicën e rasteve, edhe nëse kjo i dëmton fitimin.”

Gjithashtu, një në çdo shtatë amerikanë thonë se "Facebook-u ka pasur një ndikim negativ mbi debatin politik".

Gjashtëdhjetë e një për qind besojnë se "Facebook-u ka dëmtuar politikën amerikane dhe e ka bërë atë më negative, duke mundësuar manipulime dhe gënjeshtra që polarizojnë njerëzit."

"Facebook-u është në udhëkryq për shkak të paaftësisë së tij, gati një vit e gjysmë pas zgjedhjeve, për të kontrolluar efektet përçarëse mbi shoqërinë", thotë Tom Galvin, Drejtor Ekzekutiv i Aleancës për Qytetarët Digjitalë.

"Nga shpërndarja e informacioneve të rreme dhe manipuluese e deri te shndrrimi në një mjet të ngjashëm me Rrjetin e Errët për tregtinë e paligjshme, - thotë Galvin, - Facebook-u duket se po humbet besimin e publikut amerikan. Nëse gjërat nuk ndryshojnë, imponimi i rregullave mbi këtë kompani mediash sociale nuk do të jetë i largët”.

Sondazhi i realizuar me 925 amerikanë, zbulon se 53 për qind e të aketuarve, kundrejt 26 për qind, thonë se është detyrë e Facebook-ut për të hequr ose paralajmëruar përdoruesit për lajme që mund të jenë të rreme. Rreth 60 për qind thonë se kompania nuk po bën sa duhet për të parandaluar përhapjen e informacionit të rremë.

Problemet e Facebook-ut janë shtuar vitet e fundit me pohimet se kompania ka lejuar fushatat politike të hyjnë në të dhënat e përdoruesve. Ish ekzekutivë të kompanisë kanë thënë gjithashtu se Facebook e ka ashpërsuar debatin politik në vend dhe se përdorimi i tepruar i tij mund të jetë i dëmshëm për të rinjtë.

Kompania ka lejuar që disa vrasje dhe vetëvrasje të transmetohen drejtpërdrejt në platformën e saj. Ligjvënësit pritet të shqyrtojnë masa për të imponuar një rregullim të mundshëm nga ana e qeverisë mbi mediat shoqërore. Kreu i Facebook-ut Zuckerberg ka thënë se është i hapur ndaj masave të tilla të mundshme.

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Kryetari i Lëvizjes Vetëvendosje!, Albin Kurti merr pjesë në përvjetorin e TV Mitrovica. (Mitrovicë, ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpia e Rinisë, Gjilan, ora 16:30)

- Kryetari i Lëvizjes Vetëvendosje!, Albin Kurti mbanë tubim në Gushavc. (fshati Gushavc, Mitrovicë, ora 17:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

-  Kryetari i Lëvizjes Vetëvendosje!, Albin Kurti mbanë tubim në Zhabar. (fshati Zhabar, Mitrovicë, ora 18:00)

-  Kryetari i Lëvizjes Vetëvendosje!, Albin Kurti mbanë tubim mobilizues. (Mitrovicë, ora 19:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)

- Kryetari i Lëvizjes Vetëvendosje!, Albin Kurti mbanë tubim në Vushtrri. (Vushtrri, ora 21:00)