16 Shtator 2019

ALBVISION do të financojë projektet blockchain në mbarë trevat shqiptare

Tiranë, 21 qershor - ALBVISION, kompania e parë shqiptare e njohur për tregun shqiptar dhe kosovar në lidhje me kriptomonedhat dhe Bitcoin ATM-të e para, vjen me një risi tjetër në fushën e startupeve në botën e Blockchain. Konkretisht bëhet fjalë për lançimin e një programi financues pë projekte shqiptare në Blockchain development.

Fondi synon të identifikojë dhe mbështesë projektet blockchain që janë në fazat e para të zhvillimit dhe aplikimit.

Ky lajm vjen në kuadër të konferencës Crypto Valley 2018 e cila po mbahet në qytetin Zug të Zvicrës dhe ALBVISION është një prej sponsorëve të kësaj konference.

Me mbi 650 pjesëmarrës dhe 40 folës të ndryshëm, konferenca synon të sjellë afër hulumtuesit, sipërmarrësit, startupet dhe kompanitë e fushës së blockchain nga mbarë bota për të ndarë dhe diskutuar avancimet dhe zhvillimet e fundit të industrisë dhe ekosistemit blockchain.

Një gamë e gjerë tematikash do të trajtohen që nga sektorët e fintech, shëndetit, energjisë dhe IoT si dhe do të prezantohen aplikime reale të blockchain dhe modele biznesi.

ALBVISION është kompania e parë në rajon që vjen në mbështetje të një konference të këtij karakteri përkrah kompanive të tjera lider në botë në fushën e teknologjisë dhe informacionit.

Programi i financimit nga ALBVISION përkrah kompanitë por edhe individët nga Shqipëria, Kosova, Maqedonia dhe mbarë hapësira shqiptare.

ALBVISION ishte kompania e parë shqiptare që solli një ATM-të të monedhave kriptografike në Kosovë dhe Shqipëri, një lajm i cili u prit me entuziazëm të lartë nga komuniteti lokal.

Gjithashtu ALBVISION në hapje të edicionit të gjashtë të ICT Awards solli ATM e parë të kriptomonedhave në Tiranë si dhe sponsorizoi shpërblimet në kriptomonedha për fituesit edicionit të gjashtë të ICT Awards.

Të interesuarit që duan të përfitojnë nga programi i financimit mund të kontaktojnë përmes postës elektronike info@albvision.com ose të paraqiten pranë zyrave të kësaj kompanie në Prishtinë.

ALBVISION me seli në Zvicër është themeluar në 2000 dhe ushtron aktivitetin globalisht por me fokus të veçantë në Shqipëri, Kosovë, Maqedoni dhe hapësirën mbarë shqiptare.

Veprimtaria e kompanisë është e fokusuar në sektorët e sistemeve të informacionit dhe sigurisë, bankar, postar, energjetik, telekomunikacionit dhe komunikimit me mbi 10 vite eksperiencë.

ICTSmedia si shtëpi botuese me brendet PCWorld, CiO, GameWorld, ComputerWorld, CryptoWorld si dhe eventi mbarëkombëtar në fushën e teknologjisë së informacionit Albanian ICT Awards janë pjesë e grupit ALBVISION. 

Kalendari

Ngjarjet e datës 16 shtator 2019

- Fillon edicioni i dytë i konferencës më të madhe për zhvillimin e qëndrueshëm në rajon më temë 'Mbrojtja e mjedisit: kërkim për qeverisje të mirë dhe thirrje për bashkëpunim rajonal'. (Hotel Emerald, ora 9:30)

- Kryetari i Komunës së Prizrenit, Mytaher Haskuka, do të marr pjesë në përurimin ei analizave të reja laboratorike në QMF-në në Reçane, ku i pranishëm do të jetë edhe drejtori i Drejtorisë së Shëndetësisë, Visar Shehu.(Reçane, ora 9:30)

- Nën moton “Pjesëmarrja“, për të 11-in vit me radhë, Kuvendi i Republikës së Kosovës shënon Ditën Ndërkombëtare të Demokracisë ku qytetarë, studentë dhe nxënës do të vizitojnë ndërtesën e legjislativit të vendit dhe do të njihen me punën e përfaqësuesve të tyre të zgjedhur. (Ndërtesa e Kuvendit, ora 9:30)

- Komuna e Prizrenit bën hapja e Javës 'Shtigjeve të Lirisë' ku do të ketë fjalë rasti edhe nga kryetari i Komunës, Mytaher Haskuka. (Prizren, ora 10:30)

- Në kuadër të Ditës Ndërkombëtare të Demokracisë bëhet hapja e panairit të organizatave të shoqërisë civile. (Oborri i Kuvendit, ora 10:50)

- Ministri i Kulturës, Rinisë dhe Sportit, Kujtim Gashi takon Kryetarin e Komunës, Agim Aliu, me të cilin edhe do të nënshkruajë një memorandum bashkëpunimi për 'Ndërtimin e Qendrës Multifunksionale'. (Komuna e Ferizajit, ora 11:00)

- Partia Demokratike dega në Prizren, do të mbajë një koferencë për media. (Zyrët e PDK-së në Prizren, ora 11:00)

- Në kuadër të Ditës Ndërkombëtare të Demokracisë mbahet kuizi i demokracisë. (Holli i Kuvendit, ora 11:30)

- Lëvizja FOL organizon diskutimin e parë në kuadër të Forumit FOL Hapur me kandidatët për Kryeministër/e të Kosovës. E ftuara e parë do të jetë znj. Vjosa Osmani, Kandidate për Kryeministre nga Lidhja Demokratike e Kosovës. (Zyrat e Lëvizjes FOL, ora 12:00)

- Kryetari i Komunës së Prizrenit, Mytaher Haskuka, do të marr pjesë në aktivitetin në Nashec tek lapidari i komandantit Remzi Ademaj. (Nashec, ora 12:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim Ministrin e Ministrisë së Mjedisit Jetësor dhe Planifikimit Hapësinor nga Republika e Maqedonisë së Veriut, Naser Nuredini, me të cilin do të bisedojnë rreth bashkëpunimit mes dy shteteve në fushat përkatëse. (Kabineti i Ministrit Matoshi, ora 12:30)

- Në kuadër të Ditës Ndërkombëtare të Demokracisë mbahet debat publik “Transparenca dhe pjesëmarrja qytetare në Kuvend”. (Ndërtesa e Kuvendit, salla 405, ora 13:30)

- Kryetari i Lëvizjes Vetëvendosje! Albin Kurti viziton fabrikën "Jatex". (Gjakovë, 14:00)

- Komisioni Qendror i Zgjedhjeve mbanë mbledhjen e radhës. (Objekti i KQZ-së, ora 14:30)

- Kryetari i Lëvizjes Vetëvendosje! Albin Kurti viziton disa bujq. (Gjakovë, 15:00)

- Kandidatja e LDK-së për Kryeministre, Dr. Vjosa Osmani, takohet me strukturat dhe qytetarët e Istogut. (Qendra e qytetit te Istogut, ora 16:00)

- Mbahet ceremonia e varrimit të veprimtarit të shquar romë, Nexhip Menekshe. (Varrezat e Prizrenit, ora 16:00)

- Kryetari i Lëvizjes Vetëvendosje! Albin Kurti viziton Shoqatën e Zejtarëve. (Gjakovë, 16:20)

- Mbahet ceremonia solemne e hapjes zyrtare të zyrës së re qëndore të Bankës Raiffeisen. (Zyra e re ndodhet në rrugën Robert Doll, ora 17:30)

- Kryetari i Lëvizjes Vetëvendosje! Albin Kurti takohet me Tomor Morinën. (Gjakovë, 17:40)

- Kandidatja e LDK-së për Kryeministre, Dr. Vjosa Osmani viziton vendlindjen e Presidentit Historik Dr. Ibrahim Rugova, në Cerrcë dhe takohet me strukturat dhe banorët e fshatit.. (Fshati Cerrcë, ora 18:00)