14 Nëntor 2019

Zbulohet topi zyrtar për Kampionatin Europian 2020

Londër, 8 nëntor - Topi zyrtar për Kampionatin Europian 2020 - Uniforia është zbuluar në Londër.

Duke e marrë emrin pas unitetit dhe euforisë që mund të sjellë konkursi i ekipit kombëtar të nivelit të lartë, topi është krijuar për të nxjerrë në pah gjithëpërfshirjen që organizatorët shpresojnë se turneu i 12 kombeve të vitit të ardhshëm mund të frymëzojë.

Topi u zbulua në shoqërinë e disa lojtarëve të Chelsea-t, përfshi portierin Kepa Arrizabalaga.

"Për shoqërinë, për të qenë bashkë, për të luajtur futboll dhe në këtë rast, me njerëz nga vende të ndryshme dhe kombësi të ndryshme. Dhe kjo përfaqëson pak unitetin që ne do të përjetojmë në Euro 2020, në të cilin do të shkojmë për të garuar me vendet e tjera".

Për herë të parë dhe ndoshta të vetme, Kampionati Europian do të luhet në 12 vende, për të festuar 60-vjetorin e garës. 

Kalendari

Ngjarjet e datës 14 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë diten e dytë të konferencës ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’. (Hotel Sirius, ora 9:30) 

- Deutsche Gesellschaft für Internationale Zusammenarbeit organizon ceremoninë e certifikimit të pjesëmarrësve nga aktivitetet “Opportunity Scouting” dhe “Skema e Praktikës në Punë në Sektorin e Shitjes me Pakicë”. (Menza Ramiz Sadiku, ora 10:00)

- Organizata për Siguri dhe Bashkëpunim në Evropë, Misioni në Kosovë në bashkëpunim me Zyren e Komisionerit për gjuhët organizon ngjarjen e ndarjes  së çmimit “Praktika më e mirë në zbatimin e Ligjit për përdorimin e gjuhëve”. (Biblioteka Kombëtare e Kosovës “Pjetër Bogdani”, ora 11:00)

- Ndërmarrja “Dekoriti” organizon shënimin e përvjetorit të 30-të, me ç’rast do të lansojë linjën e re të prodhimit me dru masiv për interier. (Dekoriti ne fshatin Konjuh të komunës së Lipjanit, ora 13:45)

- Udhëheqja e Sindikatës së Pavarur e Sektorit Privat të Kosovës mban takim me kryetarë të disa shoqatave ku do mirët vendim për fillimin e protestave dhe grevave për punëtorët e sektorit privat lidhru me rritjen e pagave dhe zbatimi i ligjit të punës, marrëveshjes kolektive etj. (Zyret e BSPK–së, ora 14:00)

- Medica Gjakova, me mbështetjen e Bashkëpunimit Gjerman për Zhvillim organizon promovimin e librit “Unë jam Anemone”, i pari i këtij lloji i shkruar në Kosovë i publikuar nga Medica Gjakova. (Shkolla e muzikës “Prenk Jakova” në Gjakovë, ora 18:00)