26 Janar 2021

Vihet gurthemeli i stadiumit ndihmës në fshatin Studenqan të Suharekës

Suharekë, 30 korrik - Ministrja e Kulturës, Rinisë dhe Sportit së bashku me zëvendëskryeministrin Driton Selmanaj, zëvendësministrat Halil Matoshi e Nexhat Ramadani dhe një pjesë të stafit të MKRS-së morën pjesë në vënien e gurthemelit të stadiumit ndihmës në fshatin Studenqan të Suharekës.

Ministrja Dumoshi tha se është jashtëzakonisht e lumtur kur i sheh qytetarët duke pritur fillimin e ndërtimit të këtij stadiumi ndihmës, i cili financohet nga Ministria e Kulturës, Rinisë dhe Sportit në bashkëpunim me kryetarin e komunës i cili e ka siguruar këtë tokë komunale.

Ajo përmendi se në vitet ’90-ta, pikërisht në këtë fshat kanë luajtur në atë kohë lojtarët e Kosovës.

“Është jashtëzakonisht ndjenjë e mirë kur i sheh të lumtur qytetarët të cilët kanë ardhur për të na pritur që po fillojmë ndërtimin e këtij stadiumi. MKRS është duke e financuar së bashku me kryetarin Bali Muharremaj këtë projekt.  Ky fshat e do futbollin dhe ka shumë histori”, shtoi Dumoshi.


Ajo tha se MKRS-ja do të angazhohet që nga afër dhe do të inspektojë punimet e këtij stadiumi deri në përfundimin e tij.

Zëvendëskryeministri Driton Selmanaj  tregoi për përshtypjen dhe dashurinë që kanë pasur banorët e kësaj ane për futbollin.

“Unë kam pasur fatin të vij dy herë për të luajtur në stadiumin që ndodhet afër shkollës. Megjithatë më ka lënë përshtypje dashuria që kanë pasur këta banorë për futbollin. Duhet të kujtojmë një njeri shumë të madh që ka dhënë shumë për këtë vend – punëtorin e palodhshëm Skënder Berisha”, shtoi Selmanaj.

Kryetari i Komunës së Suharekës, Bali Muharremaj, falënderoi ministren e MKRS-së, Vlora Dumoshi, dhe zëvendëskryeministrin Driton Selmanaj, të cilët ishin të pranishëm në ceremoninë e fillimit të punimeve. Ai tha se Kuvendi Komunal i Suharekës ka ndarë 7 hektarë tokë për stadiumin në fshatin Studenqan, ndërsa ndërtimi i tij do të bëhet me 500 mijë euro të ndara nga Ministria e Kulturës, Rinisë dhe Sportit.


 

Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)