01 Qershor 2020

Vidal kalon te Barcelona

Barcelonë, 3 gusht - Mesfushori kilian, Arturo Vidal u kthye këtë verë në një prej futbollistëve më të kërkuar në merkaton europiane, por mes shumë ofertave vendosi të vazhdojë karrierën te Barcelona.

Skuadra katalanase hyri e fundit në garën për të firmosur me lojtarin nga Amerika Latine, por tregoi vendosmërinë më të madhe, duke arritur dhe akordin.

Vidal, i cili ndodhej prej javësh në negociata me Interin, me zikaltrit që ofronin më shumë, pranoi të luajë që nga ky muaj me Barcelonën, e cila do ta paguajë 9 milionë euro në sezon, për 3 vitet e ardhshme.

I ndikuar nga trajneri Kovaç, Bayern Munchen vendosi të nxjerrë në treg futbollistin energjik nga shitja e të cilit do të përfitojë 20 milionë euro.

Sipas mediave gjermane, Vidal zhvilloi stërvitjen e fundit me bavarezët duke u përshëndetur dhe me kampionët e Gjermanisë dhe nuk do të jetë në miqësoren ndaj Manchester United.

Kiliani Vidal bëhet blerja e katërt e Barcelonës në pak javë, pas firmës me Artur, Lengle’ dhe brazilianin Malkolm.

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)

- Mbahet ceremonia e dorëzimit të pajisjeve mjekësore dhe mjeteve mbrojtëse kundër COVID-19, për Klinikën Infektive në QKUK, pajisje këto të financuara nga fondet e mbledhura gjatë kampanjës tonë Një kafe si flutur. (Barnatorja Qëndrore, QKUK, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)