01 Tetor 2020

United zgjedh për trajner Ole Gunnar Solskjaer

Manchester, 19 dhjetor - Pas shkarkimit të Jose Mourinho që u festua nga disa lojtarë me Pogba në krye, Manchester United zgjodhi trajner Ole Gunnar Solskjaer, gjë që bëri që të bien menjëherë hipotezat që flisnin për caktimin e Michael Carrick në këtë detyrë.

Ajo që të bën përshtypje është fakti se tifozët e Manchester United e mësuan lajmin fillimisht nga kryeministrja norvegjeze Erna Solberg që zbuloi gjithçka nëpërmjet një postimi në Titter.

“Sot është një ditë e madhe për futbollin norvegjez. paç fat në stolin e Djajve të Kuq, Solskjaer”, shkruante Erna Solberg në postimin e saj, të cilin e fshiu për ta ripublikuar më vonë pas zyrtarizimit të lajmit nga ana e manchester United nëpërmjet një komunikate për shtyp.

Në këtë komunikatë, Manchester United bëri të ditur se Solskjaer do të marrë menjëherë detyrën e ti dhe do të qëndrojë në drejtimin e skuadrës deri në momentin që klubi të përcaktojë trajnerin e ri. Solskjaer do të ketë si asistentë të tij Mike Phelan, Michael Carrick dhe Kieran McKenna.

Solskjaer ka luajtur me fanelën e Manchester United në periudhën 1996-2007 duke u aktivizuar në 366 ndeshje me 126 gola të shënuara. në vitin 2008 ai u bë trajneri si skuadrës rezervë të Manchester United përpara se të merrte drejtimin e Moldes në Norvegji.

Ndërkaq, drejtuesit e Manchester United po punojnë për gjetjen e trajnerit që do të marrë vendin e Solskjaer sezonin e ardhshëm. për momentin kandidatët kryesorë për t’u ulur në stolin e Djajve të Kuq janë Zinedine Zidane dhe Mauricio Pochettino, ndërkohë që po përmenden edhe emrat e Antonio Contes e Massimiliano Allegrit.

Kalendari

Ngjarjet e datës 1 Tetor 2020 - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)