26 Nëntor 2020

UEFA shpall Virgil Van Dijk lojtarin më të mirë të vitit

Parisë, 29 gusht - Federata Evropiane e Futbollit (UEFA) e ka shpallur qendërmbrojtësin e Liverpulit, holandezin Virgil Van Dijk, si lojtarin më të mirë të Ligës së Kampionëve të Evropës për sezonin 2018-2019.

Van Dijk, ishte kapiten i skuadrës angleze, Liverpul, që fitoi kupën e Ligës së Kampionëve për garat 2018/2019.

“Më është dashur të punoj në çdo hap të rrugës sime”, tha Van Dijk, pas marrjes së çmimit.

Ai u shpall më i miri në konkurrencë me sulmuesin e Barcelonës, Leo Mesi dhe atë të Juventusit, Christiano Ronaldo.

Ceremonia e shpalljes së çmimeve ishte pjesë e organizimit të hedhjes së shortit për fazën e grupeve të Ligës së Kampionëve.

Kalendari

Ngjarjet e datës 26 Nëntor 2020

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave, Muhamet Malësiu dhe drejtorin e Autoritetit të Rajonit të Pellgjeve Lumore Gani Berisha, nga Ministria e Ekonomisë dhe Ambientit. (Ndërtesa e Kuvendit, salla N204, ora 12:00)

- Kryeministri i Republikës së Kosovës Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në përurimin e kompletit te veprave të prof. Anton Çettës. (Biblioteka Kombëtare e Kosovës, ora 12:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Kryetarin i Komunës së Deçanit, Bashkim Ramosaj. (Ndërtesa e Kuvendit, salla N204, ora 14:00) 

 

- Ministrja e Kulturës, Rinisë dhe Sportit Vlora Dumoshimerr pjesë në koncertin e Ansamblit “Shota”, kushtuar 70 vjetorit të formimit të Ansamblit të parë profesional të këngëve dhe valleve në Kosovë. (Teatri Kombëtar i Kosovës, ora 16:00)