07 Tetor 2022

UEFA ndëshkon Hungarinë për sjelljen e tifozëve

Budapest, 10 korrik - Federata Evropiane e Futbollit, UEFA, urdhëroi Hungarinë të luajë dy ndeshje të ardhshme pa spektatorë, për shkak të, siç tha, “sjelljes diskriminuese të mbështetësve të saj” gjatë kampionatit evropian, Euro 2020.

Vendimi i UEFA-s pason hetimet për parulla të pretenduara homofobike dhe zhurma majmunësh, gjatë ndeshjeve të fazës së grupeve të Hungarisë, muajin e kaluar në Budapest dhe Mynih.

Hungaria luajti dy ndeshjet e para të turneut kundër Portugalisë dhe Francës në Budapest.

Më 20 qershor, UEFA caktoi një inspektor të etikës dhe disiplinës për të hetuar “incidentet e mundshme diskriminuese” gjatë atyre dy ndeshjeve.

Hetimi u zgjerua disa ditë më vonë, pas ndeshjes midis Gjermanisë dhe Hungarisë në Mynih.

Gjatë ndeshjes me Portugalinë, në mediat sociale qarkulluan imazhe të tifozëve hungarezë, duke mbajtur parulla që lexonin: “ANTI LMBTQ” - një referencë për komunitetin homoseksual në gjuhën hungareze.

Organi disiplinor i UEFA-s mori vendim që Hungaria të luajë tri ndeshjet e saj të ardhshme, në kuadër të garave të UEFA-s, pa tifozë. Por, vendimi për ndeshjen e tretë të tillë u pezullua për një periudhë provuese dyvjeçare.

Federata hungareze e Futbollit gjithashtu u gjobit me 100,000 euro.

Hungaria nuk është planifikuar të luajë ndonjë ndeshje të UEFA-s deri në Ligën e Kombeve, më 2022-23, e cila fillon në qershor të vitit të ardhshëm.

Urdhri nuk zbatohet për kualifikimet e Kupës së Botës, të cilat bien nën juridiksionin e Federatës Botërore të Futbollit - FIFA.

Kalendari

Ngjarjet e datës 7 tetor 2022 - Komisioni i posaçëm për shqyrtimin e kandidatëve për emërim në Gjykatën Kushtetuese shqyrton nominimet e kandidatëve për gjyqtar në Gjykatën Kushtetuese lidhur me përmbushjen e kushteve të parapara me Kushtetutë dhe Ligj. (Ndërtesa e Kuvendit, salla C301, ora 9:00)

- Ministria e Zhvillimit Rajonal dhe Caritas Zviceran në Kosovë lansojn thirrjen “Projektet Investuese të Diasporës” në kuadër të projektit “Veprimi i Komunave për Riintegrim dhe Diasporë – MARDI”. (Ndërtesën Qeverisë, salla P38, ora 9:30)

 - Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Kryetari i Komisionit për Punë të Jashtme dhe Diasporë, Haki Abazi mban konferencë për medie lidhur me qëndrimet dhe vlerësimet për proceset e rëndësishme nëpër të cilat po kalon vendi. (Holli i Kuvendit të Kosovë, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë përmbledhjen e politikave 'Dispozitat për koston e lejes së lindjes, atësisë dhe pushimit prindëror në Ligjin e Punës', të shkruar nga Dita Dobranja në emër të RrGK-së. (Hotel Sirus, ora 10:00)

- OJQ Aktiv organizon prezantimin e “Udhëzuesin për verifikimin bazë të informacionit mediatic” i cili është i dedikuar kryesisht për komunitetin serb të Kosovës. (Qendra e Energjisë Qytetare në Mitovicën e Veriut, ora 11:00)

- Sekretari Gjeneral i FIBA Andreas Zagklis takohet me Ministrin e Kulturës, Rinisë dhe Sportit të Kosovës, Hajrulla Çeku. (Ndërtesa e Ministrisë së Kulturës, ora 11:00)