20 Shkurt 2020

UEFA fal Ronaldon

Gjenevë, 21 mars - Qeveria e Futbollit Europian, UEFA vendosi të mos e privojë Cristiano Ronaldon nga ndeshja e ardhshme në Ligën e Kampioneve.

Komisioni i Disiplinës në UEFA gjobiti portugezin e Juventus me 20 mijë Euro por nuk e sanksionoi me një masë më të rëndë për festimet e ekzagjeruara në kualifikimin e bardhezinjve në dëm të Atleticos së Madridit.

Në ditët e kaluara pas hapjes së procedimit hetimor, u përfol se Cristiano Ronaldo do të humbiste sfidën e ardhshme ndaj Ajaksit, por ndëshkimi i dhënë nga UEFA ka një natyrë krejtësisht ekonomike, dhe të papërfillshme si për Juven ashtu edhe për lojtarin.

Masa disiplinore është e njëjtë me trajnerin Diego Simeone, autor i të njëjtëve gjeste, por në ndeshjen e parë Atletiko Juve në stadiumin “Uanda Metropolitano”. Ironia që pasoi në rrjetet sociale për pagesën e gjobës ishte një festë më vete për tifozët e Juventus, madje duke e krahasuar me skena të filmit të Di Caprios ‘The Wolf Of Wall Street’.

Kështu skuadra torineze do të ketë në fushë futbollistin më të rëndësishëm në Amsterdam Arena të mërkurën e 10 prillit kundër Ajaksit. Në lojë është një vend në gjysmëfinalet e Champions league, që do të zyrtarizohet në ndeshjen e kthimit në Juventus Stadium në 16 Prill.

Kalendari

Ngjarjet e datës 20 shkurt 2020

- Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)