25 Shkurt 2020

U promovua libri i Idriz Humollit “Bodibildingu dhe fitnesi kosovar”

Prishtinë, 29 mars - Të premten në ambientet e Bibliotekës Kombëtare “Pjetër Budi” neë Prishtinës u promovua libri i autorit Idriz Humolli me titull “Bodibildingu dhe fitnesi Kosovar”. 

Pas dokumentarit kampioni Idriz Humolli u sjell lexuesve librin “Bodibildingu dhe fitnesi kosovar”. Edhe atëherë kur kufijtë na ndanin, libri i Idriz Humollit po e bashkonte Kosovën dhe Shqipërinë.

Kështu tha kampioni i parë i Bodibildingut në Shqipëri, Ilirian Mema, i cili u foli të pranishëmve gjatë promovimit të librit të tretë të doajenit të bodibildingut dhe fitnesit në Kosovë, Idriz Humollit, të titulluar “Bodibildingu dhe fitnesi kosovar,-kujtime dhe përjetime”.

Ky libër vjen pas dokumentarit të z. Idriz Humollit “Rrugëtimi prej kampioni” , premiera e të cilit është shfaqur pak muaj më parë e në të cilin janë përfshirë disa nga ngjarjet e rrugëtimit të kampionit Humolli, për më tepër se 50 vjet në botën e bodibildingut dhe fitnesit, duke qenë fitues i shumë çmimeve dhe shtatë herë duke u kurorëzuar me titullin kampion.

Gjatë promovimit të librit “Bodibildingu dhe fitnesi kosovar-kujtime dhe përjetime, i cili përmban 430 faqe, ku ishin dhjetëra të pranishëm , në mesin e të cilëve figura të njohura sportdashëse nga Shqipëria dhe Kosova, autori ka falënderuar sponzorët që mundësuan botimin e këtij libri.

Mema ka rrëfyer se si në vitin 1993 edhe përkundër rrethanave të vështira të asaj kohe në Shqipëri, mundësive të rënda për t’u pajisur me kopje të një libri, tregoi se si i kishte pushtuar arkivat në Tiranë, për të gjetur librin e z. Idriz Humolli, të cilin fshehurazi e kishte kopjuar dhe me të njejtin ishte shërbyer me këshilla dhe udhëzime rreth bodibildingut dhe fitnesit, me një qëllim të vetëm që ky sport  të jetësohej edhe në Shqipëri.

Kampioni Mema tha se këtë gjë e kishte bërë nga dëshira e madhe që kishte për këtë sport dhe si udhërrëfyes e kishte zgjedhur librin e Prof. Idriz Humollit, ku pas hapjes së kufijve ai tregoi rreth kontributit të dhënë për themelimin dhe avancimin e këtij sporti në Shqipëri.

Mema mori falënderime të veçanta nga trajneri i parë i bodibildingut dhe fitnesit në Shqipëri, z. Edi Shameti, si dhe nga kreu i Federatës së Bodibildingut të Republikës së Kosovës, të cilët uruan që së shpejti në duar të lexuesve të vjen libri i radhës.  

Nuk munguan fjalët më të mira të njohësve të këtij sporti dhe të bashkëpunëtorëve të tij, të cilët me modesti e konsideronin veten nxënës të autorit. Ata mes tjerash rrëfyen sfidat e rënda të tyre që kishin kaluar me autorin me një qëllim të vetëm, jetësimin e bodibildingut të fitnesit në Kosovë dhe në Shqipëri./Ahmet Pllana
   
 

Kalendari

Ngjarjet e datës 25 shkurt 2020 - Ministri i MPBAP-së, Agim Veliu do ta vizitojë Policinë i cili do të pritet nga drejtori i Përgjithshëm i PK-së, Rashit Qalaj. (Drejtoria e Përgjithshëm, ora 10:00)

- Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00)

- Ministri i MPBAP-së, Agim Veliu do ta vizitojë Kampinë e policisë “Vrella“ Sllatinë. (Kampi Vrella në Sllatinë, ora 10:45)

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Kryeministri Albin Kurti pret në takim delegatin Apostolik të Vatikanit për Kosovë, Jean Marie Speich. (Ndërtesa e Qeverisë, ora 12:30 - vetëm pamje)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)

- Kryeministri Albin Kurti pret në takim delegacionin e Fondit Monetar Ndërkombëtar. (Ndërtesa e Qeverisë, ora 15:00  - vetëm pamje)

- Ipeshkvia e Prizrenit organizon meshën e shenjtë kushtuar e Imzot Nikë Prelës në 24 vjetorin e kalimit në amshim. (Katedralja “Nëna Terezë”, nga ora 16:00)

- Ministrja e Arsimit, Shkencës, Teknologjisë dhe Inovacionit, Hykmete Bajrami, së bashku me kryetarin e Komunës së Kamenicës, Qëndron Kastrati, do të mbajnë konferencë të përbashkët për media, lidhur me çështjen e riorganizimit të procesit mësimor në komunën e Kamenicës.  (MAShTI, ora 16:00

- Fondacioni Shtatëmbëdhjetë organizon hapjen e ekspozitës Infrared: Additions. (Rr. Henrik Bariq, nr 5,  Shtatëmbëdhjetë, Prishtinë, ora 18:00)