24 Janar 2020

Totti jep dorëheqje nga roli i tij si drejtor "Roma"

Romë, 18 qershor - Legjenda e "Romës" Francesco Totti ka dhënë dorëheqjen nga roli i tij si drejtor, duke i dhënë fund lidhjes 30-vjeçare me klubin.

42-vjeçari thotë se ai kurrë nuk ishte përfshirë në vendimmarrjen e vërtetë në klub.

"Kurrë nuk pata rastin të shprehem. Ata kurrë nuk më përfshinë në ndonjë projekt teknik. Në vitin e parë kjo mund të ndodhë."

"Në të dytin e kuptova se çfarë dëshiroja të bëja dhe ne kurrë nuk u mblodhëm bashkë, nuk e ndihmuam njëri-tjetrin, edhe sepse ata i dinin synimet e mia, dëshirën time për t'i dhënë shumë këtij ekipi dhe këtij klubi. Por, të jem i sinqertë, ata kurrë nuk e donin këtë."

Totti e kaloi të gjithë karrierën e tij profesionale te "Roma" dhe u tërhoq në vitin 2017.

Ai njoftohet se kishte marrëdhënie të këqija me pronarët amerikanë të klubit.

"Roma" u rendit e gjashta në sezonin e fundit dhe nuk arriti të kualifikohet për në Ligën e Kampionëve.

Ikja e Tottit pason atë të ish-shokut të ekipit Daniele de Rossi, i cili u largua nga klubi në fund të sezonit të kaluar pas 18 vjetësh.

Kalendari

Ngjarjet e datës 24 janar 2020

- Shefja e Misionit të Vëzhgimit të Zgjedhjeve nga BE, Viola von Cramon-Taubadel organizon konferencë për media lidhur me prezantimin e Raportit Final dhe Rekomandimeve te zgjedhjeve te parakohshme legjislative në Kosovë. (Hotel Swiss Diamond, ora 9:30)

- Akademia e Kosovës për Siguri Publike organizon konferencën e 7-të ndërkombëtare “Sfidat e Mobilitetit të Transportit dhe Siguria Publike”. (Qendra Mësimore “Steve Bennett” në AKSP, Vushtrri, ora 10:00) 

- Kolegji i Shkencave të Aplikuara Teknike Tempulli në bashkëpunim me Fakultetin e Sigurisë Publike dhe Akademinë e Kosovës për Siguri Publike, organizojnë Konferencën e 7-të Ndërkombëtare "Sfidat e mobilitetit në transport dhe siguria publike". (Akademia e Kosovës për siguri publike në Vushtrri, ora 10:00)

- Zëvendës ndihmës Sekretari i Shtetit në Byronë e Narkotikëve Ndërkombëtarë dhe Çështjeve të Zbatimit të Ligjit Jorgan K. Andrews vizton Akademinë e Kosovës për Siguri Publike  ku do të pritet nga Drejtori i Përgjithshëm i Akademisë Ismail Smakiqi si dhe menagjmenti i lartë. (Objekti i Akademisë në Vushtrri, ora 10:45)

- Kryetari i Degës së PDK-së në Prizren, Shaqir Totaj mban konferencën e radhës me gazetarë. (Zyret e Degës në Prizren, ora 11:00)

- Nën patronatin e kryetarit të komunës, Agim Bahtiri do të mbahet manifestimi sportiv i shpalljes së “Sportistit të vitit 2019”. (Restaurant “Villa Lux” në Mitrovicë, ora 17:00)