16 Nëntor 2019

Rooney serish i dehur, arrestohet në SHBA

Washington, 7 janar - Wayne Rooney vazhdon të ketë probleme me alkoolin. Sulmesi anglez i DC United në Major League soccer u arrestua në 16 dhjetor të 2018 në aeroportin e Washingtonit pasi ishte në gjendje të dehur.

Lajmi u konfirmua nga forcat e rendit, por u bë publik vetëm në orët e fundit.

Rooney që duket se ishte në bordin e një avioni që vinte nga Arabia Saudite, u lirua pak orë më vonë pasi pagoi një gjobë prej 116 dollarësh. Por jo vetëm kaq, sipas medias britanike, Rooney, përpara se të ndalohej nga agjentët e sigurisë në aeroport, kishte hequr bluzën e tij.

Vesi i alkoolit i ka hapur edhe më parë probleme Rooneyt. Në të kaluarën sulmuesit anglez iu hoq patenta për këtë arsye, ndërkohë që ai u detyrua të kryejë 100 orë shërbim social në komunitet. Wayne Rooney është futbollisti më i paguar në historinë e DC United me anglezin që ka një pagë bazë prej 2.8 miliionë Dollarësh.

Kësaj shifre i shtohen edhe përfitimet nga të drejtat e imazhit, bonuse të ndryshme dhe sponsorët. Rooney ka me DC United një kontratë deri në vitin 2020 me opsion rinovimin e saj edhe për një vit tjetër.

Kalendari

Ngjarjet e datës 16 nëntor 2019

- Me rastin e shënimit të Ditës së Avokatisë nënshkruhet memorandumi i bashkëpunimit në mes të Asociacionit të Gazetarëve të Kosovës dhe Odës së Avokatëve të Kosovës. (Hotel Swiss Diamond, ora 10:00)

- Filarmonia e Kosovës mban konferencë për medie në lidhje me koncertin e radhës artistik. (Salla e Kuqe të Pallatit të Rinisë, 14:30)
 
- Me rastin e ndeshjes Kosovë - Angli, trajneri i përfaqësueses së Kosovës Bernard Challandes mban konferencë për media. (Hotel Emerald, ora 16:15) 

- Zhvillohet stërvitja e Kombëtares së Kosovës. (Stadiumi ‘Fadil Vokrri’ në Prishtinë, ora 17:00) 

- Kombëtarja e Anglisë do të mbërrijë në Kosovë. (Aeroporti “Adem Jashari” në Prishtinë, ora 18:30)

- Mbahet konferenca e Klubit futbollistik te Anglisë. (Hotel Emerald, ora 19:30)