30 Janar 2023

Ronaldo rikthehet në Manchester United

Manchester, 27 gusht - Manchester United njoftoi se kanë arritur një marrëveshje me Juventusin për transferimin e superyllit portugez Cristiano Ronaldo.

"Manchester United është i kënaqur të konfirmojë se klubi ka arritur marrëveshje me Juventusin për transferimin e Cristiano Ronaldos, i cili tani negocion kushtet personale, vizën dhe vizitat mjekësore", thanë "Djajtë e Kuq" në një deklaratë.

"Mirësevjen në shtëpi, Cristiano", thuhet në profilin e klubit në Twitter.

Ronaldo pesë herë ka fituar Ligën e Kampionëve, katër herë me Real Madridin në vitet 2014, 2016, 2017 dhe 2018. Ai së pari e fitoi këtë titull me Manchester United në vitin 2008.

Ai fitoi titullin e Premier Ligës angleze me Manchester United për tre vjet rresht: 2007, 2008 dhe 2009.

36-vjeçari fitoi La Ligën spanjolle dy herë me Real Madridin në vitet 2012 dhe 2017.

Në vitin 2018, Ronaldo u largua nga Real Madrid për në Juventus, ku u bë kampion italian dy herë në vitet 2019 dhe 2020.

Ronaldo gjithashtu udhëhoqi Portugalinë për të fituar titullin e saj të parë të madh, UEFA EURO 2016.

Portugalia fitoi 1-0 ndaj Francës nikoqire në finalen e vitit 2016 për të qenë numri një i Evropës.

Gjatë periudhës së tij të parë në Manchester United, pesë herë fituesi i Topit të Artë shënoi 118 gola në 292 ndeshje nga viti 2003 deri në 2009.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)