01 Qershor 2020

Roberto Mançini merr zyrtarisht drejtimin e kombëtares italiane të futbollit

Romë, 16 maj - “Jam krenar që do të drejtoj kombëtaren”, u shpreh Roberto Mançini të martën, gjatë prezantimit të tij si trajneri i kombëtares Italiane, pasi nënshkroi një kontratë 2-vjeçare me Federatën Italiane të Futbollit (FIGC) deri në vitin 2020.

Edhe pse ka përfituar një pagë mjaft të lartë te ekipi i Zenitit në Rusi, Mançini ka vendosur të marrë drejtimin e kombëtares me një pagë të reduktuar deri në 3 here, krahasuar me pagën që përfitonte në Rusi.

“Ishte e lehtë për mua që të zgjidhja. Jam krenar që do të drejtoj kombëtaren. Për mua që kam qenë i grumbulluar në Koverçiano që nga viti 1978, kur isha 14 vjeç, kjo është gjëja më e bukur. Jam i lumtur për këtë zgjedhje të bërë, edhe për prindërit e mi që ndihen krenarë. Në radhë të parë dua të jem një trajner i mirë dhe në gjendje që të kthej Italinë në pozicionin që i takon, në elitën e futbollit botëror dhe evropian”, deklaroi Mançini.

Edhe pse nuk është e sigurt, kombëtares italiane mund t'i bashkohet dhe ish-lojtari i Milanit dhe Juventusit, Andrea Pirlo, i cili pritet të jetë pjesë e stafit teknik të ekipit.

Mançini do të bëjë debutimin e tij më 28 maj, në ndeshjen që Italia do luajë më Arabinë Saudite, ndërkohë që më datë 1 dhe 4 qershor “Të Kaltrit” do të përballen me Francën e Holandën.

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)