18 Nëntor 2019

Reali gati 600 milion euro për Neymar

Madrid, 12 maj - Në Spanjë janë të sigurt, Reali i Madridit e ka marrë shumë seriozisht çështjen e blerjes së Neymar nga Paris Saint Germain.

Presidenti i ‘Los Blancos’ është gati të shesë Karim Benzema e Gareth Bale për të krijuar një fond total investimi për sulmuesin brazilian prej 600 milionë eurosh, shifër që përfshin përveç pagesës së kartonit të lojtarit edhe pagën dhe shpërblimet e tij.

Sipas medias spanjolle, Babai i Neymar tashmë ka nisur të bëjë lëvizjet e tij për realizimin e këtij transferimi të futbollistit, i cili edhe pse ka një kontratë me PSG deri në 2022, nuk ka mundur të përshtatet me klubin parizien, ndërkohë që ka pasur probleme edhe ne raportet me Edinson Cavanin apo Angel Di Marian.

Gjithsesi gjithçka në këtë histori do të varet nga UEFA dhe sanksionet që ajo do të marrë ndaj PSG.

Ndërkaq, Neymar lëshon një mesazh që të lë të nënkuptosh qëndrimin e tij te Paris Saint Germain të paktën edhe për një sezon tjetër.

Sulmuesi brazilian në fakt ishte pjesë e imazhit të fanellës së re të klubit francez dhe Neymar e shprehu mirënjohjen e tij nëpërmjet një postimi në rrjetet sociale.

“Krenar që jam me fanellën e re dhe që do të vazhdoj t’i argëtoj të gjithë”-shkruante Neymar në Twitter, disa orë pas publikimit të uniformës së re të Paris Saint Germain. Një mesazh ky që i bën drejtuesit e kampionëve të Francës të marrin frymë lirisht.

Ndërsa pritet të shohim si do të përfundojë sezoni i dytë i telenovelës Neymar, nga Brazili vijnë lajme të mira përsa i përket pranisë së tij në Botërorin e Rusisë.

Mjeku personal i futbollistit, Rodrigo Lasmar, bëri të ditur se 25 vjeçari mund të kthehet të stërvitet normalisht duke nisur nga java e ardhshme që do të thotë se ai do të jetë në dispozicion të Tites për ngjarjen më të madhe futbollistike.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)