22 Shtator 2019

Ramos rrezikon dënimin nga UEFA

Madrid, 15 shkurt - kanë shpërthyer polemikat rreth Sergio Ramos dhe shkak është bërë deklarata e tij pas përfundimit të sfidës së Ligës së Kampioneve mes Ajaxit dhe Realit të Madridit, me spanjollin që pranoi se e kërkoi qëllimisht kartonin e verdhë për të munguar në sfidën e kthimit dhe për të qenë i pastër në sfidën çerekfinale.

“Do të gënjeja nëse do të thosha se nuk e bëra me qëllim atë ndërhyrje, por ndonjëherë në futboll duhet të marrësh vendime me peshë”, ishin fjalët e Ramos, i cili më pas e tërhoqi këtë deklaratë të tij nëpërmjet rrjeteve sociale.

“Gjatë një ndeshjeje duhet të marrësh një vendim në pak sekonda”, shkruante Ramos në postimin në Twitter, por lajmi i mirë është fitorja, lajmi i keq është se nuk do të luaj në ndeshjen e kthimit. Më vjen keq që do t’i lë vetëm shokët e skuadrës, por kartonin e verdhë nuk e mora me qëllim. Do të jem në stadium dhe do t’i mbështes nga tribuna”, tha mbrojtësi spanjoll.

Nuk është hera e parë që Sergio Ramos përfshihet në një situatë të tillë. Më parë diçka e ngjashme ka ndodhur edhe në sezonin 2010/11, pikërisht në Amsterdam gjatë ndeshjes me Ajaxin, kur ai dhe Xabi Alonso u ndëshkuan me karton të kuq, për të humbur ndeshjen e parë të 1/8 të finaleve të atij edicioni të Ligës së Kampioneve. Tani pritet reagimi i UEFA-s për këtë histori, me Ramos që rrezikon ndëshkimin me 2 ndeshje pezullim.

Kalendari

Ngjarjet e datës 22 shtator 2019

- Federata e pingpongut të Kosovës zhvillon garat ekipore në Superligën e Meshkujve. (Pallati i Sporteve në Prishtinë, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it, , do të mbajë konferencë për media, në të cilën do publikohet raporti: “Drejtësia administrative në Kosovë, ligji VS praktika”. (Hotel Sirius, ora 10:30)

- Përmbylljes Java e Kosovës për Zhvillim të Qendrueshëm dhe Java Europiane e Mobilitetit. (Tek monumenti Newborn, ora 12:30)

- Partia e Drejtësisë do të shënojë njëzet vjetorin e themelimit të Partisë. (Salla e Kuqe të Pallatit të Rinisë e Sporteve, ora 14:00)