24 Janar 2020

Qeveria në mbështetje të vazhdueshme të personave me nevoja të veçanta

Vushtrri, 21 qershor - Kryeministri i Republikës së Kosovës, Ramush Haradinaj mori pjesë në hapjen e aktivitetit tradicional të personave me nevoja të veçanta Miniolimpiada “Kosova 2019”, të organizuar nga Komiteti Paraolimpik i Kosovës, që u mbajt në ambientet e Akademisë së Kosovës për Siguri Publike, në Vushtrri.

Me këtë rast kryeministri Haradinaj tha se ka qenë pjesëmarrës disa herë në aktivitetet e organizuara nga ta dhe se çdoherë ka qenë motivim për të, për të parë energjinë, fuqinë dhe entuziazmin e tyre.

Kryeministri Haradinaj ka ftuar të gjithë pjesëmarrësit në këtë garë që ta dëshmojnë më të mirën, shpirtin garues, shpirtin sportiv, duke i uruar fitoren më të mirëve të cilët mund të na përfaqësojnë dhe të dalin më të mirët në botë.

“Ne kemi bërë disa punë të mira sa i përket personave me nevoja të veçanta, sidomos Ligjin për kujdesin për paraplegjikët e Kosovës, që mendojë se është një e arritur e përbashkët, dhe nuk do të ndalemi në këtë drejtim për të qenë me ju dhe në fund ju uroj të gjithëve veçanërisht më të mirëve fitoren”, tha kryeministri Haradinaj.

Njomëza Emini, presidente e Komitetit Paraolimpik të Kosovës, tha se viti 2019 do të jetë i veçantë, për faktin se ky vit do ta gjej Komitetin Paraolimpik të pranuar me të drejta të plota në të gjithë organizmat ndërkombëtar.

Nga një fjalë e mbajtën edhe kryetari i Kuvendit të Kosovës, Kadri Veseli, drejtori i Përgjithshëm i Akademisë së Kosovës për Siguri Publike, Ismail Smakiqi dhe drejtor i Departamentit për Siguri Publike në OSBE, Ake Roghe.

 

 
 

Kalendari

Ngjarjet e datës 24 janar 2020

- Shefja e Misionit të Vëzhgimit të Zgjedhjeve nga BE, Viola von Cramon-Taubadel organizon konferencë për media lidhur me prezantimin e Raportit Final dhe Rekomandimeve te zgjedhjeve te parakohshme legjislative në Kosovë. (Hotel Swiss Diamond, ora 9:30)

- Akademia e Kosovës për Siguri Publike organizon konferencën e 7-të ndërkombëtare “Sfidat e Mobilitetit të Transportit dhe Siguria Publike”. (Qendra Mësimore “Steve Bennett” në AKSP, Vushtrri, ora 10:00) 

- Kolegji i Shkencave të Aplikuara Teknike Tempulli në bashkëpunim me Fakultetin e Sigurisë Publike dhe Akademinë e Kosovës për Siguri Publike, organizojnë Konferencën e 7-të Ndërkombëtare "Sfidat e mobilitetit në transport dhe siguria publike". (Akademia e Kosovës për siguri publike në Vushtrri, ora 10:00)

- Zëvendës ndihmës Sekretari i Shtetit në Byronë e Narkotikëve Ndërkombëtarë dhe Çështjeve të Zbatimit të Ligjit Jorgan K. Andrews vizton Akademinë e Kosovës për Siguri Publike  ku do të pritet nga Drejtori i Përgjithshëm i Akademisë Ismail Smakiqi si dhe menagjmenti i lartë. (Objekti i Akademisë në Vushtrri, ora 10:45)

- Kryetari i Degës së PDK-së në Prizren, Shaqir Totaj mban konferencën e radhës me gazetarë. (Zyret e Degës në Prizren, ora 11:00)

- Nën patronatin e kryetarit të komunës, Agim Bahtiri do të mbahet manifestimi sportiv i shpalljes së “Sportistit të vitit 2019”. (Restaurant “Villa Lux” në Mitrovicë, ora 17:00)