08 Shkurt 2023

Pogba lëndohet gjatë stërvitjes në Francë

Gjenevë, 9 nëntor - Mesfushori i Manchester United-it, Paul Pogba, është lënduar të hënën gjatë stërvitjes me kombëtaren franceze, raportojnë mediat lokale.

E përditshmja sportive franceze "L'Equipe" shkroi se Pogba pësoi lëndim të kofshës së djathtë gjatë ushtrimit të gjuajtjeve dhe u tërhoq nga stërvitja në kompleksin stërvitor të Francës Clairefontaine.

Në një video në uebsajtin e "L'Equipe", shihet 28-vjeçari duke çaluar pas goditjes që bëri.

Pogba u largua menjëherë nga fusha i shoqëruar nga Franck Le Gall, i cili është mjek i kombëtares franceze.

Një nga shtyllat kryesore të skuadrës franceze, Pogba ndihmoi "Gjelat" të fitonte Kupën e Botës FIFA 2018 në Rusi.

Franca do të jetë pa Pogba-n në ndeshjet e ardhshme të grupeve kualifikuese të Kupës së Botës FIFA 2022.

Ata fillimisht do të përballen me Kazakistanin në Paris të shtunën dhe më pas do të jenë mysafir të Finlandës në Helsinki më 16 nëntor për të përfunduar kualifikueset evropiane.

Franca ka grumbulluar 12 pikë në gjashtë ndeshje duke kryesuar Grupin D. Ukraina radhitet në vendin e dytë dhe ka nëntë pikë në shtatë ndeshje.

Finlanda ka tetë pikë dhe Bosnja dhe Hercegovina shtatë pikë. Në grup, Kazakistani ka marrë vetëm tri pikë në shtatë ndeshje.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)