31 Janar 2023

Përurohet fusha e tenisit dhe vihet gurthemeli i Qendrës Multifunksionale në Ferizaj

Ferizaj, 29 tetor - Ferizaj bëhet me fusha të tenisit. Kjo u mundësua me investimin e Ministrisë së Kulturës, Rinisë dhe Sportit. Ky projekt infrastrukturor fizik u përurua sot dhe në të u investuan rreth 100 mijë euro.

Në ceremoninë e përurimit të terreneve të tenisit mori pjesë Ministrja e Kulturës, Rinisë dhe Sportit, Vlora Dumoshi, e shoqëruar me zëvendësministrat Halil Matoshi e Qazim Rrahmani, bashkë me Kryetarin e Komunës së Ferizajt, Agim Aliu dhe Kryetarin e Federatës së Tenisit të Kosovës, Mejdi Rexhepi.

Me këtë rast, ministrja tha se, ky investim është i rëndësishëm për tenistët e tenistet e  Ferizajt dhe në përgjithësi të Kosovës, ngase tashmë ky sport është i ndërkombëtarizuar dhe se në Kosovë po zhvillohen edhe gara ndërkombëtare, siç ishte rasti i garave evropiane që janë mbajtur javën e kaluar në Pejë, në tenis.

“Shumë të lumtur që sot njëkohësisht përuruam kompleksin e fushave të tenisit, investim kapital i MKRS-së, respektivisht i Qeverisë së Kosovës me rreth 100 mijë euro. Kemi tenistë të talentuar dhe me këtë investim të ministrisë u kemi krijuar hapësirë këtyre sportistëve që të kultivojnë talentin e tyre”, u shpreh mes tjerash ministrja.

Po ashtu, ministrja Dumoshi e kryetari Aliu, bashkë me aktorët e teatrit të qytetit, vunë gurthemelin e Qendrës Multifunksionale, objekt unik në të cilin do të përfshihen pallati i kulturës, galeria e artit, teatri dhe muzeu i këtij qyteti, projekt në të cilin do të investojë edhe Ministria e Kulturës, Rinisë dhe Sportit.

Ministrja e Kulturës Rinisë e Sportit, tregoi se MKRS është e pranishme me shumë projekte në këtë komunë, ndaj në kuadër të vizitës sotme në Ferziaj, ajo qëndroi edhe palestrën e sporteve "Bill Klinton" për të parë nga afër cilat janë nevojat dhe hapësirat për përmirësim.

Ndërsa, kryetari Aliu, e falënderoi ministren dhe stafin e MKRS-së për vizitën dhe u shpreh se investimet që po realizon MKRS-ja në Ferizaj janë të rëndësishme, po e shndërrojnë këtë komunë në njërën prej komunave më transformuese në Kosovës, me ritmet më të larta zhvillimore. “Ferizaj po plotësohet me objekte të reja të sportit e të kulturës, të cilat i kanë munguar më parë”, tha ndër të tjera kryetari Aliu.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00