01 Tetor 2020

Perisiç paralajmëron largimin nga Interi

Milano, 1 dhjetor - Sulmuesi anësor kroat i Interit, Ivan Perisiç dha një intervistë për “FourFourTwo”, ku foli për refuzimin që i bëri Manchester Unitedit në verën e 2017-ës, por një fjali e thënë në fund, ka bërë që të “tremben” tifozët zikaltër.

“Refuzova Manchester Unitedin për të mbetur te Interi dhe mund të them me bindje se Luciano Spalletti ishte arsyeja kryesore që qëndrova pjesë e zikaltërve. Largimi në një tjetër kampionat? Shpresoj që tifozët e Interit të kuptojnë këndvështrimin tim”, deklaroi Perisiç.

Kaq mjaftoi që mediat të nxjerrin menjëherë emrat e skuadrave që janë pretendente për të marrë shërbimet e anësorit kroat, që luan në nivele të larta prej të paktën 3 sezonesh me fanellën zikaltër.

Kështu sipas mediave italiane, agjenti i koratit, Fali Ramadani ka marrë një ofertë zyrtare nga Bayerni i Mynihut, ku është patrioti i Perisiç, trajneri Niko Kovaç që e kërkon me ngulm numrin 44 të zikaltërve në skuadër.

Tekniku kroat i bavarezëve kërkon t’i besojë pikërisht patriotit të tij korsinë e majtë të sulmit, pasi mosha e Franck Ribery nuk premton shumë, ndërsa skuadra përballet edhe me dëmtimin e gjatë të francezit tjetër Koeman.

Skuadra të tjera që mbeten në xhiro për të marrë shërbimet e Perisiç, janë Manchester United, me Jose Mourinhon, por edhe skuadra spanjolle e Atleticos së Madridit, me Simeonen që nuk e ka fshehur simpatinë për anësorin zikaltër.

Gjithsesi në klubin e Interit janë të bindur se nuk mund të heqin dorë për më pak se 50 milionë euro për kartonin e Perisiç, që ndonëse këtë fillim-sezoni nuk ka shënuar shumë gola, mbetet një nga pikat kyçe të formacionit zikaltër.

Kalendari

Ngjarjet e datës 1 Tetor 2020 - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)