03 Shkurt 2023

Përfundon seminari për trajner të pingpongut

Prishtinë, 23 gusht - Nga 18 deri me 22 gusht në sallën e pingpongut në Pallatin e Rinisë dhe sportit u organizua seminari për trajner  ITTF-PTT Level 1 Course me ekspertin e nivelit botëror Aleksey Yefremov. Në kamp morën pjesë 28 trajner nga shumica e klubeve të Kosovës.

Eksperti Yefremov për 5 ditë me nga 6 orë punë në ditë, i informoi trajnerët Kosovarë me risitë e trajnimit me fillestar, mënyrën e përzgjedhjes së lojtarëve për stilin e lojës, ushtrimet specifike të pingpongut që duhet të përdorin për raste të caktuara, për punën me këmbë, për ekzekutimin e goditjeve të ndryshme, për format e rrotullimit të topit, etj.

Trajnerët kosovarë për tu certifikuar me ITTF-PTT Level 1 Course duhet të plotësojnë edhe 30 orë punë (5 orë prej tyre të mbikëqyrura) me lojtarët e tyre duke zbatuar mësimet e marra nga seminari brenda 4 vitesh.

Në rast se kalojnë me suksese nivelin e parë, pas 12 muajsh do të kenë mundësinë që të ndjekin ITTF Level 2 Course.

FPPK do të vazhdoj ta ketë ne fokus primar ngritjen e cilësisë së Pingpongut në Kosovë duke synuar rezultate të mira të gjeneratave të reja në rajon dhe në arenën ndërkombëtare.

 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)