01 Qershor 2020

Ozil do të qëndrojë tek Arsenali deri në fund të kontratës

Londër, 17 tetor - Ylli i futbollit në ekipin e Arsenalit Mesut Ozil tha se do të qëndrojë në klubin anglez deri në përfundimin e kontratës.

"Kam marrëveshje deri në vitin 2021. Jam këtu deri sa të më përfundojë kontrata", tha Ozil në një deklaratë për shtypin britanik, i pyetur nëse dëshiron të largohet nga klubi.

Futbollisti gjerman me origjinë turke, i cili iu bashkua ekipit londinez në vitin 2013 dhe vazhdoi kontratë në vitin 2018, tha se ka menduar me kujdes të madh para se të firmosë marrëveshjen e re.

"Ishte një nga vendimet më të rëndësishme në karrierën time. Nënshkrova kontratë jo për të qëndruar këtu 1-2 muaj, por për t'ia dorëzuar Arsenalit ardhmërinë time. Edhe klubi e dëshironte të njëjtën gjë", tha Mesut Ozil.

Ai theksoi se edhe pse është duke kaluar nëpër një periudhë të vështirë, këtë do ta shndërrojë në të mirë.

Futbollisti 31-vjeçar tha se është krenar që vesh fanellën e Arsenalit.

"Jam shumë i lumtur këtu. Kur flas me njerëzit në rrugë, u them se kjo është shtëpia ime dhe se nuk do të shkoj askund", shtoi Ozil. 

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)

- Mbahet ceremonia e dorëzimit të pajisjeve mjekësore dhe mjeteve mbrojtëse kundër COVID-19, për Klinikën Infektive në QKUK, pajisje këto të financuara nga fondet e mbledhura gjatë kampanjës tonë Një kafe si flutur. (Barnatorja Qëndrore, QKUK, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)

 

- Presidenti i Republikës së Kosovës, Hashim Thaçi mban konferencë për media. (Hapësira në hyrje të Presidencës, ora 16:00)