04 Korrik 2020

Napoli bllokon largimin e Hamsik

Napoli, 7 shkurt - Dukej gjithçka e përfunduar, madje Marek Hamsik kishte shijuar edhe duartrokitjet e lamtumirës nga publiku i “San Paolos”, por largimi i tij nga Napoli ka dështuar.

Lajmi është komunikuar nga vetë klubi napolitan, që nëpërmjet një komunikate ka shpjeguar se ka vendosur të ndërpresë kalimin e Hamsik te skuadra kineze e Dalian Yifang.

Shkak është bërë mos respektimi i mënyrës së pagesës së shumës prej 18 milionë eurove, aq sa ishte vlerësuar kartoni i mesfushorit sllovak.

Marrëveshja mes klubeve ishte arritur javën e kaluar, por duket se diçka nuk shkoi si duhet dhe grupi kinez nuk respektoi mënyrën e pagesës së kësteve për kartonin e Hamsik, çka u pasua me bllokimin e transferimit të tij.

Kalendari

Ngjarjet e datës 4 Korrik 2020

- Shoqata "Miqtë e Amerikës", do të organizojë aktivitet në nderim të 4 korrikut - Dita e Pavarësisë së SHBA ku aktiviteti fillon me pastrimin e sheshit Bill Clinton nga zjarrfikësat e Prishtinës. (Sheshit Bill Clinton, ora 10:00)

- Ministri i Infrastrukturës, Arban Abrashi do të bëjë shenjëzimin e shtigjeve të biçikletave në hyrje të Fushë-Kosovës, te rrethi i kazermës “Adem Jashari”, bashkë me grupin e çiklistëve “Marakli t’biçikletave”. (Parkingu i Ministrisë së Infrastrukturës, ora 10:00)

- Në nderim të 4 korrikut - Dita e Pavarësisë së SHBA pjestarët e Qendrës së Mjekësisë Urgjente të Prishtinë do ta ngrisin flamurin. (Sheshi Bill Clinton, ora 11:00)
 
- Kryeministri merr pjesë në fillmin e fushatë së korrje shirjeve në Kosovë. (Zona Industriale në fshatin Shirokë, Komuna e Suharekës, ora 14:00)