Torino, 25 maj - Tashme është zyrtare. Trajneri portugez Hoze Mourinho, pasi i dhuroi skuadres së Interit 3 trofe brenda sezonit, nuk do të drejtojë me zikalterit për sezonin e ardhshem.

Largimi është konfirmuar edhe nga vetë presidenti Kampioneve të Europes, Masimo Morati i cili e ka konsideruar raportin mes Interit dhe Murinjos si te mbyllur.

“Mendoj se do të largohet. Qendrimi i teknikut është qendrimi i nje personi i cili mendon të shkojë tek Reali i Madridit”, është shprehur Morati për gazetaret italianë pas darkes se gjatë që pati mbremjen e se martes me teknikun portugez.

Presidenti zikalet nuk ka preferuar te japë ndonje emer per pasardhesin e Murinjos, ai u mjaftua duke deklaruar se per momentin nuk ka asnje candidature pasardhese.

Mourinho: Tek Reali dua të jem me i miri në botë

Pasi i ka dhënë trofeun prestigjoz Interit, Jose Mourinho zyrtarizohet në krye të stolit të Real Madrid.

Tekniku portugez ka dhenë një intervistë në televizionin TVI ku ka njoftuar vendimin dhe arsyet e largimit nga Milano. “Eshte nje sfide te stervisesh nje klub qe sot inkuadron me menyren time te te punuarit. Ka rendesi skuadra jo yjet. Tani yjet jane tek Interi, ata jane kampionet. E ndiej se do jem serish trajneri me i mire ne bote”, theksoi Mourinho.

Me tej, ai shton se te mposhtesh Barcelonen do jete nje sfide me vete, por i tille do jete edhe rrugetimi ne Champions League, trofe qe i mungon prej 8 vjetesh Realit te Madridit. “Nese Bernabeu do jete shtepia ime per disa kohe, do te di te futem me kemben e duhur. Kam fituar gjithcka me Interin dhe tani dua te jem trajneri me i mire ne bote. 2010-ta ishte nje vit fantastik per mua”, shton trejneri nga Setubali.

Ne vijim ai komentoi edhe futbollin italian, duke folur per gjera jo shume te kendshme. “Kane kerkuar te destabilizojne nje klub qe nuk e duan shume ne Itali qe ne terma mediatike qendron pas Milanit, ne terma tifozlleku qendron pas Juventusit dhe eshte nje klub qe ka nje profil te ndryshem me shume lojtare te huaj dhe me nje president te madh. Interi eshte nje klub i ndryshem por kritikat nuk jane nje problem, problem eshte persekutimi me ndeshkime absurde”, shtoi ai.

Ne fund te deklarates, Mourinho permendi edhe gjeniun e finales, Diego Milito. “Ky djale meritonte te luante ne nje klub te madh qe prej shume kohesh. Eshte ne kohe te beje ate qe ben sot, te shkoje ne Boteror dhe te luaje 2-3 vjet ne nivele te larta. Por e riperseris: Pse ne trajneret e medhenj e lame Militon te luante ne klube si Saragozza apo Genoa?”.