23 Tetor 2019

MKRS do të investoj mbi 650 mijë euro në Deçan

Deçan, 18 prill - Ministri i Kulturës, Rinisë dhe Sportit, Kujtim Gashi, ka qëndruar sot për vizitë në Komunën e Deçanit. Gjatë kësaj vizite ministri ka inspektuar punimet në sallën e sporteve.

Po ashtu gjatë kësaj vizite, mes MKRS-së dhe Komunës u nënshkruan katër memorandume bashkëpunimi për financimin e projekteve: “Stadiumi i qytetit - Deçan”, “Ndërtimi i Qendrës Rinore në Deçan”, “Ndërtimi i fushës sportive në Irzniq - Komuna e Deçanit” dhe “Ndërtimi i fushës sportive në Shaptej - Komuna e Deçanit”.

Për ndërtimin e stadiumit të qytetit Ministria ndan 200 mijë euro, projekt i cili do të realizohet gjatë viteve 2019-2020. Për ndërtimin e qendrës rinore ndan 150 mijë euro, për ndërtimin e fushës sportive Irzniq ndan 100 mijë euro, ndërsa për ndërtimin e fushës sportive Shaptej ndan 50 mijë euro, projekte të cilat do të zbatohen gjatë vitit 2019.

Ministri Gashi tha se ashtu si në çdo komunë tjetër, edhe në Deçan po bëhen investime kapitale për përkrahjen e të rinjve dhe sportistëve të kësaj komune. Ai po ashtu tha se bashkë u nënshkruan disa marrëveshje të bashkëfinancimit për disa projekte shumë të rëndësishme që kanë të bëjnë kryesisht me infrastrukturën sportive, ndërtimin e stadiumit të qytetit dhe të qendrës rinore.

“Vizita ime ka të bëjë me nënshkrimin e disa marrëveshjeve të financimit për disa projekte sportive por edhe për të parë punimet në palestrën sportive, një objekt që ka zgjat për më shumë se 10 vite. Jemi të përkushtuar që këtë vit të përfundojnë të gjitha palestrat në Republikën e Kosovës”, u shpreh ministri Gashi.

Ministri po ashtu njoftoi se do të bëhen investime edhe në dy terrene sportive, një në fshatin Irzniq dhe një në fshatin Shaptej dhe e cilësoi si shumë të rëndësishme faktin se pjesë e këtyre marrëveshjeve është edhe finalizimi i projektit të palestrës. 

“Falënderoj edhe deputeten e Kuvendit të Kosovës, Safete Hadërgjinaj, për kontributin e dhënë për ndarjen e këtyre mjeteve të cilat kapin shifrën e rreth 650 mijë eurove” tha në fund ministri. 

Ndërsa kryetari i kësaj komune, Bashkim Ramosaj, u shpreh jashtëzakonisht i kënaqur për nënshkrimin e këtyre memorandumeve.

Ai falënderoi ministrin për vizitën e tij dhe për përkrahjen financiare që po u jep të rinjve dhe sportistëve të vendit duke thënë se realizimi i projekteve për të cilat u nënshkruan memorandume është shumë e rëndësishme sepse këto objekte do të jenë një ndihmesë shumë e madhe e punës dhe aktiviteteve të të rinjve dhe sportistëve e Deçanit.

“Pata kënaqësinë që ta kem ministrin Gashi në zyrën time, është një fillim i mbarë këtë vit sepse me ndihmën e Ministrisë dhe të deputetes Safete Hadërgjinaj kemi arrit që edhe Deçani të ketë një buxhet për përmbylljen e disa nevojave të veta."

"Ne sot kemi arrit të nënshkruajmë memorandume bashkëpunimi mes Komunës dhe Ministrisë e të cilat projekte kanë me pas një impakt shumë të madh në zhvillimin kulturor për Deçanin”, tha kryetari Ramosaj.

Për objektin e qendrës rinore, kryetari tha se do të jetë qendra më interesante në Republikën e Kosovës dhe theksoi se shpreson në zotimin e ministrit se projekti për palestrën të jetë e përfunduar në shtator të këtij viti.

Kalendari

Ngjarjet e datës 23 tetor 2019 - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Eqrem Qabej" në Mitrovicë, ku do të takoj drejtoreshën e kësaj shkolle, Remzije Alidemaj, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës, ora 9:50)

- Mbahet mbledhja e rregullt e Komitetit për Politikë dhe Financa të Komunës së Mitrovicës. (Salla e mediave të Komunës së Mitrovicës, ora 10:00)

- Mbahet dita e parë e panairit ndërkombëtar të Agrobiznesit dhe Ushqimit AGROKOS. (Salla 1 Tetori, ora 10:00)

- Klubi i Prodhuesve të Kosovës dhe SOS Fshatrat e Fëmijëve Kosova organizon ceremoninë inauguruese të Punëtorisë “Made in Kosova”. (SOS Fshatrat e Fëmijëve në Prishtinë, Rr. 1 Tetori p.n, Velani, ora 11:00)

- Organizatat joqeveritare Community Building Mitrovica, Mundësia, 7 Arte, Civil Development Organisation, Iniciativa Qytetare Skenderaj organizojnë konferencën e përbashkët të në të cilën do të prezantohet Raporti i monitorimit të aktivitetit të prokurimit: Qendra e riciklimit industrial për mbeturinat paraprakisht të klasifikar ose të përziera.  (Community Building Mitrovica, pas ëmbëltorës “Ballkan, ora 11:00)

- Lansohet platforma digjitale në rajon me koncept të "ekonomisë së përbashkët" e cila ju mundëson individëve të përfitojnë nga mjetet e tyre motorike duke i lëshuar ato me qira, si dhe personave të interesuar të marrin makina motorike me qira me cmime më të arsyeshme se nga format trandicionale të makinave me qira. (Objekti i Inovation Center of Kosova, ora 11:00)

- Bëhët promovimi i librit "Me Mall dhe Lot nga Stambolli" të autorit Hamdi Thaqi dhe Nazife Prebreza- Thaqi, që flitet për shpërnguljen e familjes Prebreza nga Toplica. (Biblioteka Kombëtare, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.51. (Hoteli Grand, ora 12:30)

- Takohen dy grupet punuese të Lëvizjes Vetëvendosje dhe Lidhjes Demokratike të Kosovës. (Selia e LDK-së, “Qafa”, ora 15:00)

- Gjykata Kushtetuese e Republikës së Kosovës me në ceremoni solemne shënon vitin e 10-të Jubilar Gjyqësor. (Hotel Emerald, ora 17:00)