18 Tetor 2019

Milani dëshiron dyshen Xheko - Nilmar

Milano, 4 shkurt - Duke pasur parasysh se Milani vuan në repartin e sulmit, drejtuesit e skuadrës nga “San Siro”, që tani janë duke bërë planet për përforcimin e skuadrës së tyre në këtë repart, gjatë afatit kalimtar të verës në vitin 2010.

Sipas mediave spanjolle, Milani së fundmi ka shfaqur interesim për brazilianin e Viljarealit  Nilmar, ndërsa një prej prioriteteve të klubit, gjatë verës mbetet boshnjaku Edin Xheko që luan për Volfsburgun.

Sipas “Cadena Ser”, “rossonerët” tashmë një kohë janë duke e përcjellë sulmuesin e Viljarrealit, Nilmar, i cili te skuadra nga “El Madrigal” për një shumë prej 11 milionë euro arriti verën e kaluar nga skuadra franceze e Lionit.

Leonardo thuhet se ka mendim pozitiv për bashkëpatriotin e tij dhe dëshiron ta ketë atë në radhët e veta në sezonin ardhshëm.

Kalendari

Ngjarjet e datës 18 tetor 2019

- Kryeministri në detyrë Ramush Haradinaj pret në takim një delegacion të nivelit të lartë nga MCC, kryesuar nga znj. Caroline T. Nguyen, Drejtoreshë Menaxhuese e MCC për Evropë, Azi, Pacifik dhe Amerikë Latine, me këtë rast, do të nënshkruaj amandamentimin e Marrëveshjes CDF. (Ndërtesa e Qeverisë, ora 10:00)

- Me rastin e shënimit të Ditës së Bashkimit Evropian Kundër Trafikimit me Njerëz dhe njëkohësisht hapjes së fushatës Kundër Trafikimit me Njerëz, Ministria e Punëve të Brendshme organizon konferencë për media. (Ndërtesa e Qeverisë, salla P38, ora 10:00)

- Komuna e Rahovecit mban mbledhjen e dhjetë te rregullt e Komiteti për Politik dhe Financa. (Salla e mbledhjeve të Kuvendit Komunal të Rahovecit, ora 10:00)

- Agjencia për Arsim dhe Aftësim Profesional dhe Arsim për të Rritur organiozn aktivitetin e shënimit të themelimit të qendrës për karrierë në SHMLT ,,11 Marsi” në Prizren. (Objekti i SHMLT ,,11 Marsi” në Prizren, ora 10:30)

- Komisioni i Pavarur i Mediave do të mbajë konferencë për media në lidhje me prezantimin e  “Raportit të monitorimit të  Ofrueseve të Shërbimeve Mediale Audio-vizuele  gjatë fushatës për zgjedhjet e parakohshme 2019”.  (Zyra e KPM-së, qyteza Pejton, ora 12:00)

- Galeria Qahili organizon hapjen e ekspozitës "20" të Mentor Avdilit. (Galeria Qahili, ora 20:20)