05 Korrik 2020

Milani arrin marrëveshje për të transferuar Diego Laxalt

Milano, 15 gusht - Milani ka arritur marrëveshjen për të transferuar anësorin uruguaian Diego Laxalt, i cili pres vitit 2015 ka luajtur me Sampdorian në Serinë A dhe këtë verë zhvilloi një Botëror për t’u mbajtur mend në Rusi.

Kuqezinjtë do të paguajnë 14 milionë euro për kartonin e tij dhe 4 të tjera në formë bonusesh, ndërsa një pjesë e madhe e kësaj shume, do të zbritet nga shifra që Genoa duhet t’i paguajë Milanit për blerjen e Lapadulës.

Laxalt do të jetë një vlerë e shtuar për Gattuson, pasi luan si në mbrojtje, ashtu edhe në mesfushë e sulm, në krahun e majtë, ndërsa mbetet ende për t’u kuptuar se si do të vijojë merkatoja e kuqezinjve.

Kjo pasi në të majtë të mbrojtjes janë tre futbollistë aktualisht, zvicerani Rodriguez, kroati Striniç dhe tashmë edhe Laxalt, i cili do të mbërrijë në Milano sonte në mbrëmje he nesër do të kryejë vizitat mjekësore dhe firmosë kontratën.

Mediat italiane hedhin dritë mbi një transferim të mundshëm të Rodriguez te Paris Saint Germain, që janë në kërkim të një mbrojtësi të majtë, pasi nuk arritën të marrin Alex Sandron nga Juventusi.

Me dyshen Leonardo-Maldini, Milani është rizgjuar në merkato dhe ka afruar plot pesë futbollistë me peshë, si Higuain, Caldara, Bakayoko, Castillejo dhe së fundi Laxalt. 

Kalendari

Ngjarjet e datës 5 Korrik 2020

- Ministrja e Kulturës, Rinisë dhe Sportit, Vlora Dumoshi Inspekton investimet në fushën e futbollit në fshatin Novosellë të Pejës. (Fshati Novosellë, ora 13:00)

- Kryeministri Avdullah Hoti pret në takim drejtuesit e institucioneve shëndetësore. (Ndërtesa e Qeverisë, ora 13:00)

- Ministrja e Kulturës, Rinisë dhe Sportit, Vlora Dumoshi viziton shpellën “Bukuroshja e Fjetun”, promovim i turizmit kulturor. (Pejë, ora 13:30)

 - Ministrja e Kulturës, Rinisë dhe Sportit, Vlora Dumoshi viziton Garën ndërkombëtare e automobilizimit “Kulla 2020”. (Pejë, ora 15:30)