23 Tetor 2019

Milan shkarkon trajnerin Marco Giampaolo

Milano, 9 tetor - "AC Milan" ka shkarkuar trajnerin Marco Giampaolo pas vetëm tre muaj e gjysmë në këtë detyrë, për shkak të një fillimi të dobët të sezonit.

"Milani" është i 13-ti në "Serie A", tre pikë nga zona e rënies një kategori më poshtë, pas tre fitoreve në shtatë ndeshjet e para.

52-vjeçari Giampaolo pasoi Gennaro Gattuso-n në qershor, pasi ish-mesfushori i Italisë u largua sepse "Milani" dështoi në fazën kualifikuese të Ligës së Kampioneve.

"AC Milan", shtatë herë kampion i Evropës, nuk ka luajtur në Ligën e Kampioneve që nga viti 2014 dhe për herë të fundit e fitoi titullin e "Serie A" në vitin 2011.

Klubi do të ishte kualifikuar në Ligën e Europës të këtij viti, por po vuan një dënim njëvjeçar për shkeljen e rregullave të "Fair Play"-it financiar.

Ndërkohë në Spanjë edhe "Espanjoli" e ka shkarkuar trajnerin e tij.

Klubi barcelonas njoftoi se David Gallego është larguar pas tetë ndeshjesh në këtë sezon dhe është zëvendësuar nga ish- trajneri i "Seviljes" Pablo Machin.

Gallego e la "Espanjolin" të parafundin në renditje me pesë pikë, pas fitores së vetëm një nga tetë ndeshjet e "La Liga"-s.

Sulmuesi kinez Wu Lei ka shënuar vetëm një gol deri më tani këtë sezon për "Espanjolin".

Kalendari

Ngjarjet e datës 23 tetor 2019 - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Eqrem Qabej" në Mitrovicë, ku do të takoj drejtoreshën e kësaj shkolle, Remzije Alidemaj, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës, ora 9:50)

- Mbahet mbledhja e rregullt e Komitetit për Politikë dhe Financa të Komunës së Mitrovicës. (Salla e mediave të Komunës së Mitrovicës, ora 10:00)

- Mbahet dita e parë e panairit ndërkombëtar të Agrobiznesit dhe Ushqimit AGROKOS. (Salla 1 Tetori, ora 10:00)

- Klubi i Prodhuesve të Kosovës dhe SOS Fshatrat e Fëmijëve Kosova organizon ceremoninë inauguruese të Punëtorisë “Made in Kosova”. (SOS Fshatrat e Fëmijëve në Prishtinë, Rr. 1 Tetori p.n, Velani, ora 11:00)

- Organizatat joqeveritare Community Building Mitrovica, Mundësia, 7 Arte, Civil Development Organisation, Iniciativa Qytetare Skenderaj organizojnë konferencën e përbashkët të në të cilën do të prezantohet Raporti i monitorimit të aktivitetit të prokurimit: Qendra e riciklimit industrial për mbeturinat paraprakisht të klasifikar ose të përziera.  (Community Building Mitrovica, pas ëmbëltorës “Ballkan, ora 11:00)

- Lansohet platforma digjitale në rajon me koncept të "ekonomisë së përbashkët" e cila ju mundëson individëve të përfitojnë nga mjetet e tyre motorike duke i lëshuar ato me qira, si dhe personave të interesuar të marrin makina motorike me qira me cmime më të arsyeshme se nga format trandicionale të makinave me qira. (Objekti i Inovation Center of Kosova, ora 11:00)

- Bëhët promovimi i librit "Me Mall dhe Lot nga Stambolli" të autorit Hamdi Thaqi dhe Nazife Prebreza- Thaqi, që flitet për shpërnguljen e familjes Prebreza nga Toplica. (Biblioteka Kombëtare, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.51. (Hoteli Grand, ora 12:30)

- Takohen dy grupet punuese të Lëvizjes Vetëvendosje dhe Lidhjes Demokratike të Kosovës. (Selia e LDK-së, “Qafa”, ora 15:00)

- Gjykata Kushtetuese e Republikës së Kosovës me në ceremoni solemne shënon vitin e 10-të Jubilar Gjyqësor. (Hotel Emerald, ora 17:00)