17 Shtator 2019

Messi rikthehet tek Argjentina

Buenos Aires, 19 mars - Argjentina do të luajë javën e ardhshme ndeshjen miqësore me Venezuelën, që është në kuadër të përgatitjeve për “Copa America”, që do të zhvillohet këtë vit në Brazil.

Skuadra “Albiceleste” i ka nisur tashmë përgatitjet e saj, pa 5 futbollistë që pritet t’i bashkohen në ditët në vijim, e Nicolas Otamendin të dëmtuar.

Por, lajmi kryesor për skuadrën e trajnerit Scaloni është rikthimi në kombëtare i Lionel Messit.

Sulmuesi 31-vjeçar iu bashkua ekipit këtë të hënë në Madrid, ku Argjentina ka nisur grumbullimin e saj.

Messi nuk luante ndeshje me përfaqësuesen argjentinase që nga vera e vitit 2018, pas eliminimit të skuadrës së tij nga Franca në 1/8-at e finaleve të Botërorit të Rusisë.

Ishte pikërisht ylli i Barcelonës, ai që kishte vëmendjen më të madhe në seancën stërvitore të zhvilluar në “Valdebebas”, që është vendi ku përgatit ndeshjet e tij Reali i Madridit.

Seanca e parë stërvitore e Argjentinës ishte e lehtë, duke qenë se shumë prej futbollistëve të kësaj skuadre vinin nga ndeshjet e zhvilluara në fundjavë, me klubet e tyre respektive në kampionate.

Argjentina do ta luajë ndeshjen me Venezuelën në “Wanda Metropolitano” më 22 mars, ndërsa më 26 mars do të luajë një tjetër ndeshje miqësore, atë me Marokun në Tanger.

Kalendari

Ngjarjet e datës 17 shtator 2019 - Mbahet dita e dytë e  konferencës më të madhe për zhvillimin e qëndrueshëm në rajon më temë 'Energjia për tv ardhmen'. (Hotel Emerald, ora 9:30)

- Komuna e Gjilanit bën homazhe në 20-vjetorin e rivarrimit të dëshmorëve të kombit. (Kodra e Dëshmorëve në Gjilan, 10:00)

- Komuna e Rahovecit mban mbledhjen e nëntë te rregullt te Komiteti për Politik dhe Financa. (Rahovec, ora 10:00) 

- Me rastin e vdekjes së veprimtarit të shquar romë, Nexhip Menekshe do të mbahet mbledhje komemorative për të kujtuar veprimtarin e pasur të së ndjerit si: dramaturg, gazetar, poet dhe arsimtar të gjuhës rome. (Shtepia e Kulturës “Xhemajli Berisha” në Prizren, ora 11:00)

-  Lëvizja Fol organizon diskutimin e radhës në kuadër të Forumit Fol Hapur me kandidatin e Vetëvendosjes për Kryeministër, Albin Kurti. (Zyrat e Lëvizjes FOL,  ora 11:00)

- Ambasada Hungareze në Prishtinë bën prezantimin e programit për Javët e Kulturës Hungareze, të shoqëruar me nga një gotë verë, dhe biseda joformale me gazetarët. (Ambasada e Hungarisë, rr. Arben Xheladini 157 në Prishtinë, ora: 13:30)

- Kandidatja e LDK-së për Kryeministre, Dr. Vjosa Osmani, viziton këto biznese në Suharekë: Fabrikën për prodhim këpucësh “Solid”, Kompaninë “Seti Comerc”, Fabrikën e mobilieve “Te Naseri” dhe Fabrikën e pijeve “Frutex”. (Suharekë, ora 14:00)

- Komisioni Qendror i Zgjedhjeve organizon tërheqjen e shortit për renditjen e subjekteve politike në fletëvotim për zgjedhjet e parakohshme për Kuvendin e Republikës së Kosovës që do të mbahen më 6 tetor 2019. (Ndërtesa e KQZ-së, kati 4, ora 16:00)  

- Komuna e Gjilanit shënonë 20-vjetorin e rivarrimit të dëshmorëve të kombit. (Teatri i qytetit në Gjilan, 16:00)

- Mbahet tubimi promovues për kandidatët e parlamentit të Kosovës të Nismës Socialdemokrate në Lipjan. (Salla e Shtëpisë së Kulturës “Tahir Sinani” në Lipjan, ora 18:00)

- Kandidatja e LDK-së për Kryeministre, Dr. Vjosa Osmani mban takim me grupin e OJQ-ve në Gjakovë. (Hotel Çarisha e Jupave. ora 18:30)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e Gjakovës. (Qarshia e vjetër, Loma e Drithit, ora 19:00)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e fshatit Ratkoc. (shkollën fillore e fshatit Ratkoc, ora 20:30)