01 Shkurt 2023

Messi i siguron Michael Jordan 6 milionë euro fitime

Paris, 18 gusht - Lionel Messi mbërriti me pompozitet në Paris dhe impakti i nënshkrimit të tij me skuadrën e Al-Khelaifit ka qenë i menjëhershëm, ende pa luajtur qoftë një ndeshje zyrtare.  

Fanella e tij me numër 30 është shitur në mënyrë të pabesueshme, aq sa brenda një javë janë arkëtuar 120 milionë euro.

Fama e Messit, e reflektuar në kërkesat e larta për fanellat e Messit, ka bërë edhe më të pasur legjendën e basketbollit, Michael Jordan, i cili është pjesë e grupit Nike, sponsorit teknik të PSG-së, që i jep një përqindje fitimi për çdo fanellë të shitur të klubit parizien.

Portugezja “A Bola” dhe disa media franceze kanë bërë llogaritjet dhe raportojnë se Jordan përfiton 5% të shumës totale të shitjeve, në këtë rast 120 milionë euro brenda një jave, e thënë ndryshe, 6 milionë euro.

Dhe shifra do të rritet, pasi fanellat e kampionit argjentinas do të vazhdojnë të shiten. Për ish-numrin 23 të Chicago Bulls, ky është një lajm i shkëlqyer, duke pasur parasysh se, sipas Forbes, në vitin 2020, për shkak të pandemisë dhe investimeve të pasuksesshme, ai kishte humbur 500 milionë dollarë nga asetet personale, që kanë zbritur në vlerë nga 2.1 në 1.6 milionë dollarë.

 

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)