01 Tetor 2020

Medalja olimpike sukses historik për vendin tonë

Prishtinë, 23 tetor - Ministri i Kulturës, Rinisë dhe Sportit, Kujtim Gashi, priti në takim sportistët e Kosovës që e përfaqësuan vendin tonë në Lojërat Olimpike për të rinj, që u organizuan në Buenos Aires të Argjentinës nga 6 deri 18 tetor 2018.

Notarja Melisa Zhdrella, boksieri Erdonis Maliqi, atleti Muhamet Ramadani, trajnerët e sportistëve dhe drejtuesit e Komitetit Olimpik të Kosovës, të kryesuar nga Besim Hasani u pritën nga ministri Gashi dhe bashkëbiseduan për përvojën që kaluan në Argjentinë.

Ministri Gashi u shpreh i kënaqur me përfaqësimin e vendit tonë nga sportistët e Kosovës e që nuk erdhi duar thatë nga ato lojëra por që sollëm një medalje të bronztë për Kosovën. Ministri tha se mbetet që të angazhohemi që të gjithë me fokus në ngritjen e mëtejme të cilësisë në sport.

Ai ka premtuar se MKRS-ja do të rrisë edhe më tej përkrahjen për sportistët dhe do të rrisë buxhetin edhe më shumë për sportin në përgjithësi.

“Komiteti Olimpik i Kosovës dhe sportistët pjesëmarrës nëpër lojërat olimpike do ta kenë përkrahjen e plotë të ministrisë. Buxheti për vitin 2019 për sportin do të rritet edhe 6 milion euro të tjera nga sa ka qenë këtë vit”, është shprehur ndër të tjera ministri.

Ministri Gashi ka porositur sportistët që të angazhohen maksimalisht që në pjesëmarrjet e tyre në garat ndërkombëtare të përfaqësojnë sa më denjësisht vendin tonë sepse sportistët janë ambasadorët më të mirë të vendit tonë të cilët përmirësojnë imazhin e shtetit dhe promovojnë vendin tonë në arenën ndërkombëtare.

Ndërsa, kryetari i Komitetit Olimpik të Kosovës, Besim Hasani, tha se është vlerësuar vizita e ministrit Gashi me bashkëpunëtor në Buenos Aires, dhe kjo prezencë atje ishte një inkurajim shtesë për sportistët tanë pjesëmarrës në këto lojëra olimpike.

“Vizita dhe prezenca e delegacionit të Kosovës në Argjentinë i prirë nga ministri është vlerësuar edhe nga Komiteti Olimpik Ndërkombëtar me ç’rast kanë ndarë edhe mirënjohje për delegacionin nga Kosova”, tha Hasani. Ai gjithashtu shprehu kënaqësinë për rritjen e buxhetit për sportin duke pohuar se kjo do të ndikojë në rritjen e cilësisë dhe masivitetit në sportin e Kosovës.

Lojërat e ardhshme Olimpike për të rinj, mbahen për herë të parë në kontinentin e Afrikës, konkretisht në Dakar të Senegalit, të cilëve iu dorëzua organizimi për vitin 2022.

Kalendari

Ngjarjet e datës 1 Tetor 2020 - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)