27 Janar 2020

Me sukses u përmbyll connect liga rajonale ne Pingpong

Prishtinë, 24 nëntor - Dje dhe sot në sallën e pingpongut në Prishtinë u organizua Connect liga rajonale në pingpong ku pjesëmarrës ishin 4 shtetet e rajonit, Maqedonia e Veriut, Mali i zi, Shqipëria dhe Kosova, për të filluar garat ndër shtetërore për kategoritë e Juniorëve dhe Kadetëve.

Për të përkrahur këtë iniciativë të federatës së pingpongut pjesëmarrës ishte edhe Presidenti i federatës Europiane të Pingpongut Ronald Kramer, që në Kosovë ishte për herë të parë, i cili në ceremoninë e hapjes përgëzoi organizatorët për këtë iniciativë si dhe premtoi se do të ketë përkrahje të vazhdueshme nga ETTU-ja dhe ITTF-i.

Në këtë aktivitet ishte prezent edhe sekretari gjeneral i federatës Ballkanike z. Terpkovski, që e vlerësoj mjaft lart këtë iniciativë dhe nivelin e organizimit.

 Për të shprehur përkrahjen e tyre për këtë iniciativë që është mirëpritur mjaftë mirë nga sportdashësit në ceremoninë e hapjes ishin edhe Presidenti i Komitetit Olimpik të Kosovës, Besim Hasani si dhe drejtori i departamentit të sportit pranë ministritës së Sportit  Iber Alaj.

Dje u zhvilluan garat ekipore në të katër kategoritë, e në përfundim të tyre Kosova doli shteti me më së shumti fitore duke zënë vendet e para për junior meshkuj, kadet meshkuj, kadetë femra si dhe vendin e dytë për juniore femra.

Sot, u organizuan edhe garat individuale në të katër kategoritë, ku Kosova zuri vendin e parë dhe të dytë në kategorinë e juniorëve meshkuj, vendin e parë dhe të tretë në kategorinë e kadetave femra, dy vende të treta në kategorinë e juniorëve dhe dy vende të treta në kategorinë e kateteve.

Në fund të aktivitetit Kryetari i FPPK-së z. Nehat Çitaku falënderoj mysafirët, stafin organizativ, gjyqtarët si dhe lojtarët që dhanë maksimumin e tyre, e po ashtu edhe Hotelin Venus për lehtësimin e ofruar.

Të gjithë mysafirët ishin tejet të kënaqur me këtë organizim dhe iniciativë që ka filluar si ide që nga viti 2013, duke shpresuar se edhe ata do të mund të organizojnë në nivel të njëjtë.

Connect liga e radhës ballkanike është paraparë të mbahet në Maqedoni në fillim të muajit shkurt.

Kalendari

Ngjarjet e datës 27 janar 2020  - Oda Ekonomike e Kosovës dhe Shoqata e Zejtarëve dhe Afaristëve ESNAF nga Prizreni organizojn takim për mundësitë e bashkëpunimit në përkrahje të sektorit privat. (Objekti i Odës Ekonomike të Kosovës, ora 10:00)

- Kuvendi Komunal i Prizrenit do të mbajë mbledhjen e jashtëzakonshme të thirrur nga kryetari i Komunës së Prizrenit, Mytaher Haskuka. (Salla e Kuvendit në Shtëpinë e Bardhë, ora 10:00)

- Kryeministri në detyrë, Ramush Haradinaj bashkë me kabinetin qeveritar, bëjnë homazhe te obelisku i Hebrenjve, në shënimin e Ditës Ndërkombëtare të Përkujtimit të Holokaustit. (Oborri i Qeverisë së Kosovës, ora 11:00)

- Plaformë e Grupit për Studime Juridike dhe Politike organizon konferencën për media me temë “Sfidat në sundimin e ligjit në Kosovë: Performanca e sistemit gjyqësor dhe prokurorial dhe vlerësimi qytetarë ndaj këtyre institucioneve”. (Qendra e Konferencave Orion, ora 11:00)

-  Universiteti i Gjakovës "Fehmi Agani" organizon manifestimin e kushtuar Ditës Ndërkombëtare të Përkujtimit të Holokaustit. (Hapësirat e Fakultetit të Edukimit -Filologjisë, Gjakovë, ora 11:00)

-  Misioni i OSBE-së dhe Bashkësia Hebraike e Kosovës do të shënojnë Ditën Ndërkombëtare të Kujtimit të Holokaustit. (Dokukino në Kompleksin Europa në Prizren, ora 12:30)

- Presidenti i Republikës së Kosovës, Hashim Thaçi, merr pjesë në shënimin e Ditës Përkujtimore të Holokaustit. (DokuKino, Kompleksi Europa në Prizren, ora 12:30)

- Rinia Demokratike e Kosovës shënon 20 vjetorin e themelimit. (Menza "Ramiz Sadiku", Prishtinë, ora 18:30)

- Ministria e Kulturës, Rinisë dhe Sportit, në bashkëpunim me Qendrën Kinematografike të Kosovës dhe AS Film, për nder të Ditës Përkujtimore të Holokaustit, do të organizojnë shfaqjen e filmit dokumentar “Përqafimi i fatit”, me regji të Jakov Sedlar. (Teatri Kombëtar i Kosovës, ora 19:00)