01 Shkurt 2023

Mbyllen Lojërat Olimpike të Tokios

Tokio, 8 gusht - Në Tokio u mbyllën të dielën Lojërat Olimpike verore. Në ceremoninë e mbylljes, Presidenti i Komitetit Olimpik Ndërkombëtar, Thomas Bach deklaroi përmbylljen e Lojërave. Garat e ardhshme olimpike verore do të zhvillohen në Paris në 2024.

Ashtu si gjatë garave, edhe gjatë ceremonisë së mbylljes së Lojërave, stolat e stadiumit kryesor ishin bosh si rezultat i pandemisë. Flaka olimpike u shua, ndërkohë që shpërthyen me zhurmë fishekzjarret.

Në ditën e fundit të garave, ekipi amerikan fitoi tre medalje të arta, duke arritur në total 39 medalje të arta, pasuar nga Kina me 38 medalje të arta.

Edhe në total Amerika kryeson nga numri i medaljeve, pasuar nga Kina dhe në vend të tretë ekipi olimpik rus.

Olimpiket e Tokios patën një rrugëtim të vështirë që shpesh herë vuri në pikëpyetje fatin e tyre. Pas anulimit të garave vjet, ndërkohë që pandemia kishte përfshirë mbarë globin, këtë vit pati rezistencë të fortë si nga politikanë, ashtu edhe nga popullata në Japoni, nën shqetësimet se një grumbullim i tillë do të shtonte rastet e COVID-it.

Megjithë masat e forta që shoqëruan këtë aktivitet, rastet e COVID-it në Japoni janë rritur ndjeshëm në javët e fundit dhe shumë fajësojnë Olimpiket për të këtë situatë. 

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)