19 Gusht 2019

Mbahet maratona 42 kilimetershe Germi - Badofc

Prishtinë, 26 maj - Klubi i vrapimit “XTrailers - fun run” organizon sot ‘Prishtina Trail Marathon 2019’, maratona 42 kilimetershe Germi - Badofc. 

Prishtina Trail Marathon është gara e parë maraton e vrapimit në shtigje në Kosovë, dhe do të mbahet në parkun e Gërmisë, zemrën e gjelbëruar të Prishtinës. 

Kjo garë organizohet nga klubi i vrapimit “X Trailers”, dhe është e çertifikuar nga ITRA (Asociacioni Ndërkombëtar i Vrapimit në Shtigje).

Kjo garë do të organizohet në katër kategori, duke i dhënë mundësi gjithkujt që të provojë vetveten në një garë rezistence, por pse jo edhe të fitojë.

Në kategorinë “XTrailers Kids”, marrin pjesë fëmijët. Kjo kategori ka për qëllim të jetë më shumë rekreative dhe motivuese se sa garuese.

Ndërsa, gara e vërtetë zhvillohet në 3 kategoritë e tjera Maratona (42 km), Gjysmë Maratona (21 km) dhe “XTrailers – fun run (10 km).

 Në të gjitha kategoritë për tri vendet e para do të ndahen shpërblime sidhe shpërblime simbolike me ushqim dhe pije për të gjithë fëmijët pjesëmarrës.

 Mjetet e fituara nga ky aktivitetet  do të destinohen për shtimin e hapësirave të gjelbërta, dhe përmes kësaj do të ketë përfitime mjedisore dhe sociale.

Kalendari

Ngjarjet e datës 19 gusht 2019 - Mbahet mbledhja e Komiteti për Politik dhe Financa e Komunës së Rahovecit. (Komuna e Rahovecit, ora 10:00)

- Shoqata "Miqtë e Amerikës" festojnë ditëlindjen e mikut të madh të shqiptarve e mbar njerëzimit ish Presidentit të SHBA, Billi Clinton . (Zyret e shoqatës "Miqtë e Amerikës", që gjendet afë Agjencisë së Statistikave të Kosovës përball Parlamentit, ora 11:00)

- Mbahet ceremonia solemne e hapjes së punimeve të Seminarit XXXVIII Ndërkombëtar për Gjuhën, Letërsinë dhe Kulturën Shqiptare. (Biblioteka Universitare, ora 11:00)

- Kryeministri në detyrë, Ramush Haradinaj, merr pjesë në ceremoninë solemne të hapjes së punimeve të Seminarit XXXVIII Ndërkombëtar për Gjuhën, Letërsinë dhe Kulturën Shqiptare. (Salla e kuqe, Fakulteti i Filologjisë, ora 11:00)

- Komuna e Prizrenit dhe Ministria e Kulturës, Rinisë dhe Sportit bëjn përurimin e Stadiumit Ndihmës në lokacionin Boka Boka. (Fshati Korishë në Prizren, ora 11:00)

- Bëhet shfaqja për media e filmit "Shpia e Agës" i Lendita Zeqirit (Kinema Cineplexx, ora 13:00)

-  Komuna e Prizrenit në kuadër të hartimit të buxhetit për vitin 2020 do të organizojë dëgjime publike me banorët e rajonit të Hasit dhe Anadrinit, me qëllim të angazhimit të tyre në procesin e hartimit të buxhetit, transparencës, gjithëpërfshirjes dhe llogaridhënies ndaj qytetarëve. (Shtëpia e Kulturës në Gjonaj, ora 19:00)