17 Tetor 2019

Matthijs de Ligt trasferohet te Juventus për 70 milionë euro

Torino, 13 korrik - Sipas të përditshmes më të madhe holandeze “De Telegraaf”, Juventusi dhe Ajaxi kanë arritur më në fund marrëveshjen për mbrojtësin 19-vjeçar, Matthijs de Ligt.

de Ligt nuk u përfshi fare në kontigjentin e futbollistëve që u grumbulluan për të nisur fazën përgatitore me Ajaxin e Amsterdamit, pikërisht klubin ku mbrojtësi nga Leiderdorpi filloi karrierën e tij si profesionist, duke mbajtur veshur për tre sezone fanellën e “harkëtarëve”.

Për hir të së vërtetës zërat për një mbyllje të marrëveshjes ndërmjet dy klubeve në fillimin e javës së ardhshme, të hënën ose ditën e martë, ishin shtuar ndjeshëm, sepse në fakt akordi ndërmjet de Ligtit dhe “zonjës së Vjetër” ishte arritur prej kohësh, por tani gjithçka mund të quhet e mbyllur, pasi bëhet e ditur edhe shuma e transferimit, plot 70 milionë euro.

Marrëveshja me klubin e Ajaxit arriti në fazën përmbyllëse, pas një beteje të gjatë që zgjati me muaj me Barcelonën, megjithatë pas parakalimit të klubit katalan gjërat u komplikuan disi në aspektin financiar, megjithëse diferenca ndërmjet kërkesës dhe ofertës nuk ishte shumë e madhe.

Klubi nga Amsterdami pretendonte 75 milionë euro, ndërsa Juventusi gjatë javës u ngjit deri në 67. Kështu, pas mesfushorit francez Adrien Rabiot, bardhezinjtë afrojnë në gjirin e skuadrës gjithashtu edhe holandezin de Ligt, duke kopsitur përfundimisht edhe repartin difensiv, repart që tradhtoi ambiciet e “zonjës së Vjetër” edhe në Champions League, për shkak të mungesës së kapitenit Giorgio Chiellini, ku si për ironi të fatit golin e eliminimit në fazën çerekfinale, për më tepër brenda në “Allianz Stadium” e shënoi pikërisht qendërmbrojtësi i Ajaxit Matthijs de Ligt.

Kalendari

Ngjarjet e datës 17 tetor 2019 - Presidenti i Republikës së Kosovës, Hashim Thaçi, pret në takim Lartmadhërinë e saj, Sophie, Konteshën e Wessexit. (Kabineti i Presidentit, ora 9:00 - vetëm pamje)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 9:30)

- Dogana e Kosoves organizon ceremoninë e shprendarjes se certifikatave për dy kompanitë kosovare të certifikuara si Operator Ekonomik të Autorizuar. (Objekti i Drejtorise se Doganes në Emshir, ora 10:00)

- Ambasada Britanike dhe Qendra e Rehabilitimit të Kosovës për Viktimat e Torturës po mbajnë një konferencë për të filluar rezultatet e hulumtimit paraprak në traumën transgjeneruese në lidhje me Dhunën Seksuale të Lidhur me Konfliktin. (Hotel Swos Diamond, ora 10:30)

- Mbahet punëtoria “Shkolla e Mozaikut”. (Muzeu Kombëtar e Kosovës, ora 11:00)

- Mbahet protestë pasi Akademia Suedeze e Shkencave shpërbleu me çmimin Nobel për Letërsi, autorin austriak Peter Handke, një mbështetës i gjenocidit dhe luftërave në ish-Jugosllavi nën regjimin e Sllobodan Millosheviqit. (Para Ambasadës së Suedisë, ora 11:00)

- Lëvizja FOL, Çohu, INPO, Instituti Columbus dhe Open Data Kosovo organizojnc konferencën e përbashkët të cilën do të prezantohet Raporti i monitorimit të aktivitetit të prokurimit rreth rrotulimit Rreth rrotullimi Lakrishtë - Rreth rrotullimi Arbëri. (Zyrat e Lëvizjes FOL, ora 11:00)

- Prokurori i Shtetit do të mbajë konferencë për media. (Objekti i Prokurorit të Shtetit, kati III, salla e takimeve të Këshillit Prokurorial, ora 11:30)

-  Organizata për Rritjen e Cilësisë në Arsim organizon debat me studentët e Fakultetit të Ndërtimtarisë dhe Arkitekturës për identifikimin e problemeve në këto fakultete dhe zgjidhjen e tyre përmes formave të ndryshme të mbështetjes së studentëve. (Fakulteti i Ndërtimtarisë dhe Arkitekturës, ora 15:00)

- Ambasadorja e Francës, Marie-Christine Butel do të ketë nderin të dekorojë znj Nerimane Kamberi me Urdhrin e Palmave Akademike. (Rezidenca e Francës, ora 18:30)

- Galeria e Ministrisë së Kulturës organizon hapjen e ekspozites "Post-Avangarda Lindore" te autorëve Adrian Çene, Brikena Bërdo dhe Albana Shoshi. (Galeria e Ministrisë së Kulturës, ora 19:00)