25 Shkurt 2020

Liverpool - City, pritet shikueshmëri rekord në një miliard shtëpi

Manchester, 6 tetor - Ndeshja e shumëpritur mes Liverpoolit dhe Manchester Cityt, që do të zhvillohet këtë të dielë, do të jetë në dispozicion për t’u parë në plot një miliard shtëpi anembanë botës, sipas një statistike të publikuar nga vet Premier League.

Kjo ndeshje është më e forta e kampionatit anglez deri në këtë fazë të edicionit të sivjetshëm, me kampionët në fuqi të Cityt që gjenden në krye të renditjes, por vetëm falë golavarazhit kalon “të kuqtë” e Liverpoolit.

Të dy klubet kanë një shtrirje globale dhe burimet kanë thënë se ndeshja është programuar të transmetohet në 179, nga 193 vendet anëtare të Kombeve të Bashkuara.

Biletat për ndeshjen në stadiumin “Anfield Road” janë shitur që të gjitha, por raportohet se disa prej tyre janë rishitur në treg të zi duke nisur nga 300 paund më e pakta, e thënë ndryshe nga 5-fishi i çmimit real.

Transferta e fundit e Cityt në “Anfield” ishte në prill të këtij viti, në takimin e parë të çerekfinaleve të Championsit. Por, ajo ndeshje u la disi në hije nga ngjarjet që ndodhën përpara nisjes së saj. Autobusi i miqve u godit me sende të forta gjatë rrugës për në stadium, duke u bërë i papërdorshëm për udhëtimin e kthimit drejt Manchesterit në fund të takimit.

Kalendari

Ngjarjet e datës 25 shkurt 2020 - Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00) 

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)