31 Janar 2023

Lind në Itali, Kombëtarja shqiptare e regbisë

Venezia, 3 shkurt - Në Shqipëri sporti i regbisë nuk ekziston, madje as federata e regbisë, por kjo nuk i ka penguar disa shqiptarë që jetojnë në Itali të formojnë ekipin Kombëtar shqiptar të regbisë. Lajmin e jep faqja italiane Ilfriuli.it. Skuadra shqiptare është krijuar nga sportistë që banojnë në Friuli Venezia Giulia, më saktë në Pordenone, ku gjendet edhe një numër i konsiderueshëm emigrantësh.

Sipas webesajtit, edhe pse në Shqipëri nuk ekziston as federatë dhe as klub, kjo nuk i ka penguar shqiptarët të luajnë regbi në Europë, madje në nivele të larta. \"Në eksperiencën time si instruktor në shkollat e provincës, - shpjegon Piergiorgio Grizzo, ideatori i iniciativës, - kam vërejtur praninë e shumë djemve shqiptarë, thuajse të gjithë kanë cilësi atletike dhe karakter gare më të lartë se mesatarja. Për më tepër që këta të rinj dëshmojnë një lloj sjellje natyrale rreth topit oval të regbisë. Nga kjo lindi ideja edhe për të formuar ekipin e parë kombëtar shqiptar të regbisë. Ky sport, nuk kuptohet mirë në Shqipëri, dhe për arsye historike apo kulturore është thuajse i panjohur. Për këtë më lindi edhe ideja për të krijuar përfaqësuesen e parë kombëtare, e që do të luajë jashtë, në Itali, pasi në Shqipëri, për momentin, regbinë nuk e luan askush. Hapi i dytë i projektit do të jetë ndërtimi i një federate për ta bërë më pas të ligjshme edhe në Tiranë\", - thotë presidenti Françesko Silvestri, i klubit të regbisë së Pordenones.

Takimi i parë i kombëtares shqiptare të regbisë, të porsalindur, do të luhet më 6 shkurt në fushën e Pordenones, për të cilën janë thirrur 26 lojtarë shqiptarë, të cilët luajnë në klube të ndryshme në të gjithë Italinë, nga Super 10 e deri te Seria C. Kapiteni i parë do të jetë 21-vjeçari Sevian Daupi nga Durrësi, i cili luan në Serinë Top-10, me Casin‚ Venezia Mestre. Trajner i Kombëtare shqiptare do të jetë një italian, Valter Cristofoletto (30 ndeshje me Kombëtaren e Italisë).

\"Objektivi, - shpjegon Silvestri, - është që përfaqësuesja e Shqipërisë të debutojë në muajin qershor, më 6 ose 13, kundër një seleksioni që mund të jetë Nuovi Dogi di Elio De Anna ose Forum Iulii. Projekti ka një vlerë të dyfishtë, ajo sportive, por dhe integrimi i një komuniteti, ai shqiptar, që ka në prezencë të fortë në territorin tonë. Do të ftojmë përveç autoriteteve të larta rajonale dhe ambasadorin shqiptar në Itali dhe ministrin kompetent të sporteve të Qeverisë së Tiranës\"

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00