18 Shkurt 2020

Lewandowski do ta mbyllë karrierën te Bayerni

Bayern, 11 mars - Sulmuesi polak nuk e përjashton mundësin ta mbyllë karrierën me kampionët e Bundesligës.

Robert Lewandowski, tash e sa vite është sulmuesi kryesor i Bayern Munichut dhe cilësohet si një prej më të mirëve në botë në pozitën e tij.

Bayerni ka refuzuar disa herë oferta të majme për reprezentuesin e Polonisë dhe tani ai po mendon që të luajë deri në fund të karrierës me bavarezët.

“Gjithçka po ecën mirë këtu, unë ndihem mirë dhe kam marrëdhënie shumë të mira me klubin”, ka deklaruar 30-vjeçari.

“Mund të luaj në nivelet më të larta edhe për pesë deri në shtatë vite”.

“Jam pjesë e Bayernit tash e sa kohë dhe ky është një prej klubeve më të mëdha në botë. Duke qenë pjesë e këtij klubi kam gjithnjë mundësi të përmirësohem më shumë”, ka theksuar Lewandowski.

Kalendari

Ngjarjet e datës 18 shkurt 2020 - Oda Ekonomike e Kosovës do të mbajë konferencë për media lidhur me rezultatet e anketës të klimës në biznes. (Objekti i Odës Ekonomike të Kosovës, ora 9:30)

- Forumi për Udhëheqje dhe Diplomaci organizon debatin publik me temë “Si duhet ta adresojnë institucionet barazinë gjinore në pozicionet vendimmarrëse?”. (Kafiteri “Dit e Nat” ora 10:00)

- Instituti Demokratik i Kosovës organizon tryezën e diskutimit “Dialogu Kosovë-Serbi: Çfarë pas formimit të Qeverisë së re dhe përfshirjes amerikane?”, në një diskutim rreth të ardhmes së dialogut Kosovë - Serbi. (Hotel Sirius, ora 10:00)

- Zyra Kombëtare e Auditimit prezanton raportin e auditimit të performancës “Sistemi i Përcaktimit të Tarifave të Energjisë Elektrike, Termike dhe atyre të Ujësjellësit”. (Zyra Kombëtare e Auditimit, lagja “Arbëria”, ora 10:00)

- Mbahet mbledhja e parë e rregullt e Komiteti për Politik dhe Financa në Komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet mbledhja e Kryesisë së Kuvendit të Republikës së Kosovës në të cilën do të behët propozimi për formimin e grupeve të miqësisë, dhe propozimi i anëtarëve në delegacione për përfaqësim të Kuvendit më organizata ndërkombëtare. (Ndertesa e Kuvendit, salla C 301, ora 11:00)
 
- Korabi Corporation organizon ceremoninë e hapjes së “Qendrës Inovative Korabi”, një qendër unike arsimore në fushën e kulinarisë si dhe do të mbahet “Nata e çokollatës belge”, një spektakël me çokollatën më të mirë në botë, që do të prezantohet nga çokollatrier me famë ndërkombëtare. (Zyrat e Korabi Corporation në Çagllavicë, ora 18:00)