09 Shkurt 2023

“KVPP Prizreni” dhe “Peja” kampion të ligës së parë në pingpong

Pejë, 23 tetor - Sot në shkollën “8 marsi” në Pejë u zhvilluan ndeshjet e xhiros së fundit të kampionatit ekipor në ligën e parë të Kosovës në pingpong për kategorinë e meshkujve dhe femrave ku të pranishëm në ceremoninë e shpalljes së fituesëve ishin edhe kryetari i komunës së Pejës Gazmend Muhaxheri, deputetja znj.Besa Gaxherri, Drejtor z.Idriz Selmanaj si dhe personalitete tjera nga fusha e sportit nga pushtetit lokal dhe qendror.

Në kategorinë e meshkujve fituesi për këtë edicion u shpall vetëm pasi u zhvillua ndeshja vendimtare në mes të “KVPP Prizreni” dhe “Vushtrria” ku u xhvillua një ndeshje tejet interesante dhe me shumë kthesa, e që në fund ekipi nga Prizreni arriti të shënoj fitore të ngushtë 4-3 dhe kështu për tu shpallur kampion i Ligës së parë për edicionin 2022. “KVPP Prizreni” këtë vit u përfaqësua nga Berkan Baymak, Alimehmet Kaqaniku, Erxhan Karabaxhaku, Remzi Shala.

Këtë vit nga Liga e parë do të largohen “Shkolla” dhe “Maestro” të cilat në sezonin e ardhshëm do të garojnë në Ligën e dytë.

Në kategorinë e femrave “Peja” që nga fillimi i sezonin tregoi konsistencë në rezultate duke shënuar 10 fitore dhe asnjë humbje dhe me plot meritë u shpall kampione për edicionin 2022 e që së bashku me klubin “Gani Maloku” vitin e ardhshëm do të garojnë në Superglië.

“Peja” këtë edicion u përfaqësua nga Edolinda Alimehaj, Olta Vishaj, Donika Dema dhe Vlera Muriqi të udhëhequr nga Qamil Vishaj. Në Ligën e dytë javën e ardhshme do të zhvillohen ndeshjet e play off-it në mënyrë që të përcaktohet kampioni për këtë vit.

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)