15 Nëntor 2019

Kombëtarja e Kosovës në Futboll pritet t'i merr 500 mijë euro nga qeveria

Prishtinë, 21 nëntor - Ministri i Kulturës, Rinisë dhe Sportit, Kujtim Gashi, ka propozuar që në mbledhjen e radhës të Qeverisë së Kosovës të futet në rend të ditës marrja e vendimit për ndarjen e 500 mijë eurove për Kombëtaren e Kosovës në Futboll.

 Ky propozim bëhet duke u bazuar në premtimin e kryetarit Kuvendit, Kadri Veseli, dhe në akordim edhe me Kryeministrin e Kosovës, Ramush Haradinaj, si dhe duke marrë parasysh kualifikimin e Kombëtares në gjysmëfinalen e Ligës së Kombeve në Ligën D dhe avancimin e Kosovës në Ligën C të UEFA Nations League.

Sipas këtij propozimi kërkohet që Kombëtares t’i ndahen 500 mijë euro, në mënyrë që Kombëtarja gjatë fazës përgatitore për kualifikimet e radhës t’i ketë të gjitha kushtet e mundshme për përgatitje.

Me këtë rast ministri Gashi ka deklaruar se “Ndarja e mjeteve financiare në vlerë prej 500 mijë euro për Kombëtaren e Kosovës në futboll, ka kaluar nëpër të gjitha fazat procedurale të parashikuara nga Rregullorja e Punës së Qeverisë dhe akteve tjera ligjore dhe nënligjore, andaj rekomandoj aprovimin e tij”.

"Është një obligim i yni t'i përkrahim futbollistët e Kombëtares së Kosovës, për vazhdimin e sukseseve të tyre duke na prezantuar me dinjitet dhe që na bëjnë të ndihemi krenar të gjithëve", është shprehur ministri.

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)