27 Janar 2020

KFOR dorëzon pajisje futbolli të klubit AC Milano skuadrave juniore të Kosovës

Pejë, 25 nëntor - Pesëdhjetë fanella zyrtare dhe rroba sportive të AC Milan u dorëzuan në disa ekipe të futbollit të të rinjëve të Kosovës perëndimore nga Ushtarët italianë të Komandës Rajonale të KFOR-it Perëndim, njësia shumëkombëshe e NATO-s me seli në Pejë.

Klubi italian i futbollit me famë botërore dhuroi set të pasur pajisjesh pas ndeshjes miqësore të luajtur në Kosovë verën e kaluar midis AC Milan dhe Feronikelit, një ekip i madh vendor.

Koloneli Daniele PISANI falënderoi klubin italian për iniciativën që do të përmirësojë projektin e zbatuar nga Komanda Rajonale Përndim në mbështetje të dyqind lojtarëve të rinj të futbollit kosovar, të quajtur “Jeta ime në duart tuaja” (My life in Your hands) dhe cili synoi të mësojë procedurat e ndihmës së parë të aplikuara në sport.

Kalendari

Ngjarjet e datës 27 janar 2020  - Oda Ekonomike e Kosovës dhe Shoqata e Zejtarëve dhe Afaristëve ESNAF nga Prizreni organizojn takim për mundësitë e bashkëpunimit në përkrahje të sektorit privat. (Objekti i Odës Ekonomike të Kosovës, ora 10:00)

- Kuvendi Komunal i Prizrenit do të mbajë mbledhjen e jashtëzakonshme të thirrur nga kryetari i Komunës së Prizrenit, Mytaher Haskuka. (Salla e Kuvendit në Shtëpinë e Bardhë, ora 10:00)

- Kryeministri në detyrë, Ramush Haradinaj bashkë me kabinetin qeveritar, bëjnë homazhe te obelisku i Hebrenjve, në shënimin e Ditës Ndërkombëtare të Përkujtimit të Holokaustit. (Oborri i Qeverisë së Kosovës, ora 11:00)

- Plaformë e Grupit për Studime Juridike dhe Politike organizon konferencën për media me temë “Sfidat në sundimin e ligjit në Kosovë: Performanca e sistemit gjyqësor dhe prokurorial dhe vlerësimi qytetarë ndaj këtyre institucioneve”. (Qendra e Konferencave Orion, ora 11:00)

-  Universiteti i Gjakovës "Fehmi Agani" organizon manifestimin e kushtuar Ditës Ndërkombëtare të Përkujtimit të Holokaustit. (Hapësirat e Fakultetit të Edukimit -Filologjisë, Gjakovë, ora 11:00)

-  Misioni i OSBE-së dhe Bashkësia Hebraike e Kosovës do të shënojnë Ditën Ndërkombëtare të Kujtimit të Holokaustit. (Dokukino në Kompleksin Europa në Prizren, ora 12:30)

- Presidenti i Republikës së Kosovës, Hashim Thaçi, merr pjesë në shënimin e Ditës Përkujtimore të Holokaustit. (DokuKino, Kompleksi Europa në Prizren, ora 12:30)

- Rinia Demokratike e Kosovës shënon 20 vjetorin e themelimit. (Menza "Ramiz Sadiku", Prishtinë, ora 18:30)

- Ministria e Kulturës, Rinisë dhe Sportit, në bashkëpunim me Qendrën Kinematografike të Kosovës dhe AS Film, për nder të Ditës Përkujtimore të Holokaustit, do të organizojnë shfaqjen e filmit dokumentar “Përqafimi i fatit”, me regji të Jakov Sedlar. (Teatri Kombëtar i Kosovës, ora 19:00)