05 Dhjetor 2022

Ibrahimovic rikthehet te përfaqësuesja e Suedisë

Stokholm, 22 mars - Zlatan Ibrahimovic është rikthyer te përfaqësuesja e Suedisë pas thuajse 5 vitesh mungesë dhe menjëherë është shfaqur në konferencë për shtyp në krah të trajnerit Janne Andersson, ku nuk i ka kursyer batutat.

Gjiganti suedez dhe tekniku i përfaqësueses kanë pasur shpesh replika në distancë me njëri-tjetrin, por duket se në fund kanë vendosur të bëjnë paqe dhe të bëhen sërish bashkë për të mirën e skuadrës.

Vetë Ibra në konferencën për shtyp pranoi se i ka premtuar teknikut Andresson që do të jetë vendimtar në fushë, por ka shmangur komentet në lidhje me shiritin e kapitenit, që duket se do të mbetet në krahun e Granqvist.

Rikthimi – Jemi takuar të dy dhe kemi folur gjatë, duke diskutuar për gjithçka, ndërsa në fund kemi vendosur që të bëjmë më të mirën për skuadrën. Nëse më pyesni, mendoj që jam më i miri në botë, por këtu nuk jam për shkak të emrit. Thjesht mendoj se e kam merituar thirrjen. I kam premtuar trajnerit që do të jem vendimtar në fushë dhe jam gati të vë eksperiencën time në dispozicion të skuadrës.

Shiriti i kapitenit – në kokën time shiriti i kapitenit i takon Andreas Granqvist, por ky është një vendim që i përket trajnerit Andresson.

Numri i fanellës – Do të mbaj numrin 11, ndonëse më ofruan edhe 10-ën. I kërkova Isac numrin 11 dhe u tregua i gatshëm të ma japë, por më tha se duhej t’ia ktheja sërish pas 4-5 vitesh.

Milani dhe rinovimi – Është një projekt mjaft interesant, ku jam i përfshirë plotësisht dhe jam shumë i kënaqur me atë që po bëjmë. Besoj se do të rinovoj, por momentalisht jam i përqendruar të bëj mirë në fushë, pasi ka kohë për të folur për të ardhmen.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)