05 Dhjetor 2022

Hazard kërkon të largohet nga Real dhe të kthehet në Chelsea

Madrid, 24 maj - Eden Hazard dëshiron të largohet nga Real Madridi gjatë kësaj verë dhe synon të kthehet në Chelsea, sipas mediave spanjolle.

Përfaqësuesi i Belgjikës u largua nga Chelsea për t’iu bashkuar Real Madridit për 150 milionë euro në vitin 2019.

Por Hazard ka vuajtur shumë ta gjejë formën në Spanjë, kryesisht për shkak të lëndimeve të shumta dhe si pasojë i bëri vetëm 10 paraqitje si titullar në La Liga dhe vetëm tri në Ligën e Kampionëve këtë sezon.

30-vjeçari madje u detyrua t’iu kërkojë falje tifozëve të Real Madridit, të cilët i kishte zemëruar duke qeshur dhe duke bërë shaka me Kurt Zouman e Chelseat pak çaste pasi Real Madridit ishte eliminuar nga Liga e Kampionëve muajin e kaluar.

Sipas emisionit televiziv në Spanjë, El Chiringuito de Jugones, Hazardi po kërkon të largohet nga Madridi në verë dhe synimi i tij është të kthehet në Chelsea.

Hazardi i kaloi shtatë sezone në Stamford Bridge dhe i ndihmoi klubit londinez t’i fitojë dy tituj në Premierligë, FA Cup dhe Ligën e Evropës dy herë.

Në fillim të këtij muaji, mediat spanjolle raportuan se edhe Madridi është i gatshëm ta largojë Hazardin në verë, pas paraqitjeve zhgënjyese të tij. 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)