05 Dhjetor 2022

Gattuso mbyll zyrtarisht aventurën te Napoli

Napoli, 25 maj - Genaro Gattuso mbyll zyrtarisht aventurën te Napoli. Eksperienca e ish-mesfushorit të Milanit me klubin e kaltër zgjati për 1 vit e gjysmë me Gattuson që ishte ulur në stolin e Napolit që nga dhjetori i vitit 2019-të, kur pasoi Carlo Ancelottin.

Barazimi në stadiumin Diego Armando Maradona 1-1  me  Veronën që la Napolin zyrtarisht jashtë Championsit vulosi edhe shkarkimin e Gattusos që gjithsesi sido që të shkonte me shumë gjasa do të largohej nga klubi jugor.

Presidenti Aurelio De Laurentiis me një postim në Twitter ka zyrtarizuar edhe shkarkimin e Gattusos teksa i ka uruar suksese në të ardhmen 43-vjeçarit kudo që të shkojë.

Napolit i mjaftonte një fitore përballë Veronas pa objektiva për ta mbyllur në mënyrën më të mirë këtë sezon duke u kualifikuar në Champions League, por goli i Amir Rrahmanit nuk i mjaftoi të kaltërve të cilët nuk shkuan më shumë se një barazim dhe u parakaluan në renditje nga Juventusi duke zbritur në vendin e 5-të.

Gattuso në këto 18 muaj me Napolin arriti të fitonte Kupën e Italisë sezonin e kaluar teksa mposhti në finale Juventusin pas goditjes së penalltive ndërkohë që në kampionat regjistroi një vend të 7-të dhe një vend të 5-të.

Për Gattuson po flitet gjithnjë e më shumë për një kalim te Fiorentina por gjithçka mbetet për t’u parë, ndërkohë që me mbejten jashtë Championsit të Napolit për të dytin vit radhazi, pakësohen shanset që Massimiliano Allegri të marrë drejtimin e të kaltërve.
 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)