Zagreb, 4 prill - Pesë futbollistët të skuadrës së Neretvanac nga Opuzeni kanë pësuar një goditje elektrike në kohën kur po bënin dush pas mbylljes së ndeshjes me skuadrën e Jadran nga Kashtellani (Kroaci).

Dy prej tyre kanë pësuar dëmtime serioze dhe janë transferuar në spital për kurim në spitalin e Splitit, ka bërë të ditur policia kroate.

Sipas asaj që bën të ditur gazeta  Sllobodna Dallmacia, të dy futbollistët janë jashtë rrezikut për jetë. Lëndime më të rënda kanë pësuar dy futbollistët e moshës 18-19 vjet.

Ndeshja mes skuadrës së Jug dhe Neretvanac u zhvillua të shtunën në kuadër të Ligës së tretë kroate.