24 Janar 2020

Frank Lampard, trajneri i ri i Chelsea

Londër, 4 korrik - Frank Lampard është emëruar trajner i Chelsea. 41 vjeçari është rikthyer në Stamford Bridge, aty ku ka kaluar pothuajse të gjithë karrierën e tij si futbollist.

Lampard do të zëvendësojë në këtë detyrë Maurizio Sarri, i cili është rikthyer në Itali ku ka marrë drejtimin e Juventusit.

Frank Lampard drejtoi ekipin e Derby County, duke e renditur në vendin e gjashtë në Championship.

Emërimi në krye të klubit blu londinez është një detyrë sfiduese për Lampard, i cili do të konkurrojë këtë vit edhe në Champions League.

Ai konsiderohet si një prej legjendave të Chelsea ku ka luajtur për 13 vite dhe ka fituar tre Premier League, një Champions League dhe një Europa League.

Kalendari

Ngjarjet e datës 24 janar 2020

- Shefja e Misionit të Vëzhgimit të Zgjedhjeve nga BE, Viola von Cramon-Taubadel organizon konferencë për media lidhur me prezantimin e Raportit Final dhe Rekomandimeve te zgjedhjeve te parakohshme legjislative në Kosovë. (Hotel Swiss Diamond, ora 9:30)

- Akademia e Kosovës për Siguri Publike organizon konferencën e 7-të ndërkombëtare “Sfidat e Mobilitetit të Transportit dhe Siguria Publike”. (Qendra Mësimore “Steve Bennett” në AKSP, Vushtrri, ora 10:00) 

- Kolegji i Shkencave të Aplikuara Teknike Tempulli në bashkëpunim me Fakultetin e Sigurisë Publike dhe Akademinë e Kosovës për Siguri Publike, organizojnë Konferencën e 7-të Ndërkombëtare "Sfidat e mobilitetit në transport dhe siguria publike". (Akademia e Kosovës për siguri publike në Vushtrri, ora 10:00)

- Zëvendës ndihmës Sekretari i Shtetit në Byronë e Narkotikëve Ndërkombëtarë dhe Çështjeve të Zbatimit të Ligjit Jorgan K. Andrews vizton Akademinë e Kosovës për Siguri Publike  ku do të pritet nga Drejtori i Përgjithshëm i Akademisë Ismail Smakiqi si dhe menagjmenti i lartë. (Objekti i Akademisë në Vushtrri, ora 10:45)

- Kryetari i Degës së PDK-së në Prizren, Shaqir Totaj mban konferencën e radhës me gazetarë. (Zyret e Degës në Prizren, ora 11:00)

- Nën patronatin e kryetarit të komunës, Agim Bahtiri do të mbahet manifestimi sportiv i shpalljes së “Sportistit të vitit 2019”. (Restaurant “Villa Lux” në Mitrovicë, ora 17:00)