12 Gusht 2020

FPPK organizoi seminare për ngritjen e kapaciteteve të saj

Prishtinë, 21 dhjetor - Sot në sallën e Shtëpisë së Sporteve në Prishtinë, Federata e pingpongut të Kosovës (FPPK) organizoj katër seminare për ngritjen e kapaciteteve të anëtarëve të vet, që ishte edhe aktiviteti i fundit për vitin 2019.

Kryetari Nehat Çitaku ligjëroi para të pranishmëve rregullat për AntiDoping duke i informuar të pranishmit me dopingun, antidopingun, substancat e ndaluara, procedurat e ndryshme të verifikimit, shtesat, etj.

Lidhur me Seminarin për rregulloren e gjyqtarëve më gjerësisht ligjëroi Abedin Bahtiri, që të pranishmit i njoftoj më përmbajtjen e rregullores që pritet të aprovohet në mbledhjen e parë të kuvendit.

Në kuadër të seminarit për trajner, kryetari Nehat Çitaku dhe Remzi Shala ndanë para të pranishmëve njohuritë e fituara në konferencën e trajnerëve në Londër, që për shkak të interesimit do të jetë edhe pjesë e seminarit të parë që pritet të mbahet gjatë vitit 2020.

Në Seminarin e fundit lidhur me sistemin e ri të garave ekipore për vitin 2020, Fadil Luta u prezantoi të pranishmëve ndryshimet që do të bëhen në sistemin e garave ekipore të superligës dhe ligëve tjera.  

Në përgjithësi seminari për ngritjen e kapaciteteve të fppk-së u mirëprit nga të pranishmit, si një iniciativë e shkëlqyeshme për të ndikuar në avancimin e anëtarëve të fppk-së, ku në të 4 seminaret të gjithë të pranishmit ishin mjaft të inkuadruar për të përfituar sa më shumë njohuri, e nga kjo rezultonin edhe shumë diskutime të dobishme. 

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)